Parla, Tugum  belentde

Gül Watanym!

             Zer topragym-

                                 Ykbalym,

Ýaz goýnunda juwan görke siňipdir-

Ýaşyl tugum!

                Ygtykatym,

                                Yhlasym-

Beýikligiň mermer durka siňipdir.

Adyllyk sen-

           Mizanlaryň deňligi,

Bakylyk sen-

            Geçmişimiň heňleri,

Umman kibi parasadyň çuňlugy,

Roýuň içre ýedi arka:  siňipdir.

Hakyň ýoly dowamyňda şaýlanar,

Bagtyň ýoly döwranyňda toýlanar.

Dowamat sen!

              Eýýamlary aýlanan,

Asyllygyň binýat-berke siňipdir.

Peder kalby-

               Kenaryňda gölleriň,

Aý-ýyldyzly älem kybap ýollaryň,

Ýaşyl tugum!

                Buýsanjy sen illeriň,

Ezizligiň näzik hörpe siňipdir.  

Ýat ülkede keşbiň ilse gözüme,

Ganatlaryň aýlar tükmen düzüne,

Keramatyň pederleriń sözüne-

Nurly kelam-

                 şamçyraga siňipdir.

Humaý guşuň ganatynda perwazyň,

Arşyň sadyk melekleri serbazyň.

Ýaşyl tugum!

              Sensiň göwün telwasym,

Juwanlygyň gül Diýara siňipdir.

Jeýhun,

         Hazar kalbyň bile birleşýär,

Ummanyňda  altyn çäjiň  dür saçýar, 

Çar künjüňe ýalňyz  Watan  ýerleşýär,

Kämilligiň joşly kalba siňipdir.

Gök ýüzüne jähek çeken galkym bar,

Topragymy gülzar eden  ýalkym bar,

Guw mysaly,

              lemmer-lemmer tolkunýan,

Sahawatyň, gül Diýara siňipdir.

Saklan, göwün,

                      Ruhuna baş egeli,

Huzurynda  gudratyny ýazaly,

Gorkut ataň dogasy deý ezeli

Hakyda-nur  taryh — tagta siňipdir.

Türkmen göwni-

                 Bagtyň beýik  eseri,

Jebisleşen-

                Göýä goşa kepderi,

Bäş eýýamyň paýhasynyň rähberi

Garaşsyzlyk –

               Şugla- ýagta:  siňipdir.

Durmuş gözel,

               ýaşaýyş nur —  bagta baý,

Dünýä:

„Türkmen bagtyýar” — diýip nygtaýar.

Asman sary ümzük atan  ygtyýar,

Erki bilen Beýik Halka siňipdir.

Garagumym-

            Zerrin çägäm — tolkunşyň,

Amyderýa, Hazarymda — galkynşyň.

Arka-arka ýaşaýyşda ýalkanşyň

Halallyga-

             Altyn halka: siňipdir

Jarçysy sen-

           Buşlukçysy toýlaryň

Bagt guşy —

            Jygasynda öýleriň,

Ýaşyl tugum!

Owsunlaryň çaýlaryň

Hanasynda  almaz çarha siňipdir.

Salam berip, külli Oguz iline,

Aksyn,

        dünýäň bagtyýarlyk siline.

Ruhanalyk nury bolup iýniňe

Dolan ruhy,

              Röwşen Bagta siňipdir.

Tugum!

Saňa togapdadyr  her gursak,

Sen baş egseň, Ālem diňer bir pursat,

Agzybirlik,

               Merdanalyk, abraý-at,

Lebiz, ygrar,

                  millet-merde siňipdir.

Köňüllerde — perişdeleň ganaty

Aýdymlarda – yşkyň kaddy-kamaty,

Ýaşyl tugum!

Sen Zeminiň zynaty-

Aýdyňlygyň  röwşen ertä siňipdir

Oguz, Gorkut dogasyny böýlar sen,

Göroglynyň owazasyn toýlar sen,

Ýaşyl tugum!

Pyragydan söýlär sen,

Nesil dogmy,

                polat Erke siňipdir.

Tugum!

Sensiň otda-suwda taplanan,

Seni goran — älem içre at alan,

Gaýratynda gylyç gemren atalar,

Nyşanyňda,

            Sekiz burça siňipdir.

Kalbym içre–

             Tylla nuruň  towusýar,

Göwnüm içre –

                 Mukamlaryň öwüsýär

Ýyldyrym sen,

               Menzilleri böwüsýän-

Uçgunlaryň  nur-göreje  siňipdir.

Serim,

Ýaşyl şowurdyňa sadaga,

Oguz ýoly bäs eýleýir şapaga

Dowamatyň jygaňda zer sapaga-

Gotazlarda,

          Doga-şerhe siňipdir.

Atalaryń adyl ýoly-

                             Dowam sen,

Jebisleşen ýüreklerde dogam sen.

Ýaşyl tugum!

          Ruhubelent howam sen-

Āhti — Kasam,

Sena — mähre siňipdir.

Ykrarym sen!

Bagta dolan Gün bile,

Diýarym sen!

Mähir sili gülgüne,

Ak daňlaryň al şapagy

Seň bile

Berkararlyk-

Röwşen şerte siňipdir.

Ýeňilmez sen,

             Mertlik saňa akyp dur,

Ümmülmez sen,

                   Ālem keşbiň çekip dur

Pederleriñ didesi sen-

Bakyp dur-

Jemalyňda -Watan-örke siňipdir.

Bagt ýoly

Her döwletiň,

Halkyň ýürek gapysy,

Aýna ýaly ýollaryndan başlanýar.

Her döwletiň dagdan inen siller deý,

Şaglap akýan,

          Sahawatly ýollary                      

Asly duzuw pällerinden başlanýar,

Diýarymyň özgerişli ýollary

Beýik iliň paýhasyndan, aňyndan,

Galkyp atýan daňlaryndan başlanýar.

Köpri gurup,

        ýol salýana sogap bar,

Alkyş bilen at alýana sogap  bar,

Muny bize peder miras goýupdyr,

Halkyň çogly ýüreginde gürsüldäp

Yhlas  bilen,

      Otdan ötgur aň bilen,

Ile howandar bolýana togap bar.

Bize bagty,  berip biljek aklykdyr-

Ýola çyksaň,

     Süýt deý asman görünýär,

Ýantorbaňa-

     bir dowüm nan salarsyn,

Gursagyňa-

Synmaz ynam alarsyň     

Menzilleriň aýak ýetmez çägine, 

Ak ýollaryň ganatynda barylýär

Ilimizde : “ýol – halal”- diýip yrym bar

Ýol gurmaklyk ýagşylyga ýorulýar.

Halallyk gurulsa ak menzilleriň,

Böwedini böwsup,

  ýollar gurulsa,

Geldigidir bereket-bagtyň  boldan, 

Otlular,

          Uçarlar,

 Gämiler bilen        

Dünýä sary mähir akýar bu ýoldan,

Dost-dogana gadyr akýar bu ýoldan

         ***

-Allo, Allo  uçar menzilimi şu,

Haçan reýs borka, Gazagystana.

-Jan agam wagtyn aýt, haçan diýme-de,

Gitjegiň çyn bolsa,

Sora çar ýana-

Pekin,

         Ahmetabat,

     Amritsar, Deli,

Frankfurt, Birmingem, Mançesteremi.

Boingler gysgaltly alty aýlyk ýoly-

Bu Täze eýýämyň sowgat- keremi

Bary-ýogy ýüz ýyl yza seretsek,

Çöl gämisi-

        Düýä baglanypdyr bi:l.

Şol düýäni ýüreginde arzylap,

Heýkel edip dikeldipdir ulus-il.

Bu gün uçup barýar ajap zamana-

Ak laçynyň ganatynda gaýyp ýör.

Türkmen asmanynda

          bagtyýarlygyň

Aýdymyny ýer ýüzüne ýaýyp ýör.

                     ***

Asyrlaň ýoluny torç eden ulag

Düýesi, kerweni, bedew atlysy-

Bu gün polat ata çykdy,

               umydy,

Bu gün polat ata çykdy yhlasy-                             

Watan ýüreginiň rels damarynda,

Bu gün at çapyp ýör türkmen otlusy.

Taryha Diýaryň adyny ýazan

Tejen, Sarahs, Maşat…ýene ençesi,

Hasyl bolan Arzuw ýaly,

                    Suw ýaly

Bu ýollar Watanyň altyn hünjüsi —

Asgabat – Garagum — Daşoguz ýoly.

Ýol aldy  Bereket- Etrek, Üzen-

Göýa, bagtyň salan ýoly mysaly,

Relslere jan berýär ýyldyrym ýaly.

Maňlaýyndan opýär Demirgazygyň,

Günorta,

           Taryhy çoýan Günorta,

Bu gurluşyk — açarydyr asyryň,

Galkynyşly baharydyr asyryň,

Bu gurluşyk  — patasydyr asyryň

Ömre eşret-sapasydyr asyryň.

Serhetler duşuşýar,

    Kalplar duşuşýar,

Birleşýär päk ýürekleriň owazy.

Ýollar Ýewropanyň ýüregne barýar,

Gadymy Pars aýlagyna baş atyp,

Diýar dost-dogana salam  iberýär.

Aziýa Ýewropaň elini gysýar,

Daňlar ak şapagy bagryna basýar,

Täzelenýär tebigatyň howasy.

Watanymyň ykdysady kuwwaty-

Bu gurluşyk-rowaçlygyň dowamy.

Prezidentler gol çekişýär,

                  ýollaryň                   

Şahasy köpelýär,

Ýaýraýar ýollar,

Polat  ýollar rowaçlanyar,

                 örňeýär.

Diýarymyň ylham doly kalbyny

Otlularyň hoş owazy üwreýär.

Alym şahyr  çyksa…                               

Alymlara uýuň,

Watany söýüň!

Olar – şu durmuşda kerwenbaşylar,

Olar ylym ýumagyny çöşlände,

Dünýäniň syrlary derrew açylar.

Beýik alymlary kethuda saýlaň-

Olar danalardan sapak alandyr.

Olaryň dowamy ýagty kuýaşyň,

şuglasyndan ganan altyn galamdyr.

Alymlara uýuň,

Kitaby söýüň!

Alym  nämälimde mälimi  görýär.

Külterlenen menzil,

Açylan sepgit,

Durmuşy ýyllaryň çaňyndan gorar.

Alym  Şahyr çyksa-

Dana bolýandyr,

Olar gül paýlaýar dünýäň ýüzüne.

Näzik ýürek bilen,

Kesgir aň bilen,

Bakyp bilýär hakykatyň gözüne.

Alymlara uýuň,

Watany söýüň!

Ol mydama  Alla ýakyn bolýandyr,

              Gijäniň, gündiziň,

                     Gögüň, Zeminiň,

gizlin sahypasyn okap bilýändir.

Wagt tupanynda ýitmezlik üçin,

Ylym halka nurly ýol bolmak islär.

Daýhan “toprak”, 

                mülkdar “mülk” diýp ýaşar,

Alymyň hyýaly  Ýer bilen asman.

Ine-de, gijäniň tümlügin syryp,

Gün kibi ýanyp dur iki  şamçyrag.

Alymlar älemiň syryny tirer,

Şahyrlaryň bolsa,

                     kalba gonşy bar.

Ol alym,

Ol şahyr çuňlugy boýlan,

Ikisem ýollaryň müşgülin saýlan.

Sabanyň,

             säheriň,

                     aladaňdanyň,

Ylahy ylhamy kalbynda gaýnan.

Beýik alymlaram sada bolýarlar,

Günüň dünýä dolup doguşy kimin.

Gözlegden bagt tapýan Beýik alymyň,

akyl çanagynda aýlanýar Zemin.

Ýer-gögüň arasy durşuna owaz,

Ýer-gögüň arasy aýdyma baýdyr.

Her bir aýdymynda bu goja şaryn,

alymlaň, şahyrlaň hikmeti bardyr.

Tüm garaňkylygy ýagtyltmak üçin.

Akyl bir şamçyrag-

Lagly- göwherdir,

Danalyga ýeten akyldarlaryň,

Mizemez paýhasy aby-kowserdir. 

Aristotel,

           Al-Faraby,

                      Horezmi-

Dünýäň paýhas gözün açan ägirtler.

Ibn Sina, Pyragydan ýol alyp,

pähm ummanyn boýlap barýar şägirtler.

Ylmyň läheň pälwanlary ölmeýär,

Akly bilen,

Olar baky diridir.

Ýewklidden sapak alan Biruny,

Ylmyň altyn sütünlerniň biridir.

Ýaradandan  ýarlygy bar alymyň-

Alymly il-arzylanýar dünýäde,

Her alymyň bakylykda ady bar-

Alym goýýar parasady binýada.

Alymlara uýuň,

                  söýüň topragy!

Alym her binany sowatly gurýar,

Durmuşa şan goşan  pelsepesini

Sowallaryň depesinden inderýär.                 

Hasyly jöwherdir ylym ekeniň,

Beýik pikirleriň aslyn yzlaň siz!

Danalara, alymlara uýýany,

paýhas-pikir dünýäsinden gözläň siz.

Aklyň öýi-

Alymlaryň serinde-

Ālemleriň matallaryn otarýar.

Käte bolsa goşowuçlap kelläni,

Dünýä bilen söhbet gurup oturýar.

Jemşidiň jamyna sereden ýaly,

Alym ak daňlara umytly bakýar.

Küt-küt kitaplaryň maňyz-manysy,

Beýnide taplanyp,

                      gursaga akýar.

Umman yaly  çuňlugynda älemiň,

Ýüzüp ýör ol şol çyrpyna-çyrpyna..

Ölçäp-ölçäp mizanynda paýhasyň,

ömür berýär,

                      her setirne, harpyna.

Alymlara uýuň,

                   ýurduňyz söýüň!

Alymdadyr bagtyň  tylla açary.

Umydy ynama öwürýändir ol,

Hem yza tesdirip bilýär ajaly.

Durmyşyň ýüküni deňleýär mizan,

Aň bile paýhasa goýulýar gadyr.

Alymy,

      Şahyry,

             bolmajak bolsa,

Aýdyň,

bu dünýäniň manysy nedir!?

Bilbillerin güli söýşi dek ylla,

Şahyrlary, alymlary söýüň siz.

Merttebeläp, dünýäň tagty-rowanynda,

Ikisinem deň hatarda goýuň siz!

Alymlara uýuň,

Dünýäni söýüň!

Şeýle söýüň: söýgi inçedir gyldan.

Alymyň, şahyryň yhlasy görner,

telim müň ertirden,

                         telim müň ýyldan.

Ene keramaty

Jahany gorap dur, ýaman  göz-dilden,

Dünýä gujak geren mähir ganatyň.

Ýyldyzlar içine seýrana çykyp,

Käbäm,

       seni  ak nuruňdan tanadym.

Her dem huzuruňa togaba gelýän,

Ezizligiň bilen barha beýgelýäň.

Gudrat,

     bolabilmez senden üýtgeşik,

Müň bir derde doga şirin sözleriň.  

Şo sözlerden özge melhem bilmerin!

Eger Ýagşylyga jennet ýar bolsa-

Mukaddes güýç munda,

Meger, bar bolsa,

Ol Ene gujagy-

                   Perzent mekany,

                   Şo lezzet,

Şo bossan durmuşa many.

Suw gysymlan ýaly wagtyň durumy.

Ene!

      gözleriňden akyp geçipdir.

Adamzat nesliniň  ömür beýany,

Ykbal maňlaýyňa keşde çekipdir.

Kemterdir duýuşyň Enäniň gadryn,

Ýüzýärkäň gulaçlap mähir deňzini,

Gaýyk bagt kenarda-

Arkaňda dag bar,

Didäň guçup ýörkä nurly meňzini,

Baýsyň sen!

Tükenmez bagt Saňa ýardyr-

Ýoluňa göz dikýän Eziziň bardyr.

                  ***

Sen işe barýansyň,

Aladaň ýokdur,

Ýüregiň ganatly,

Keýpiň-de kökdür,

Ömür dowamyňy söýgülär,

                              bökdi:r

Bu mähir-

Duýguda biserhet çäkdir!

Ykbalyň arzyly-

Rysgyň bitindir,

Kendirikde bardyr  maýalygyň-da

Döwletli ojagyň-

Kerem saçagyň,

Ýyladar gownüniň şa alawynda.

Çagasyň,

Agasyň,

Ner, pyýadasyň-

Il öňüne düşen Ýagsyzadasyň,

Derejäňe görä at berer iliň.

Çeşmeden derýaga,

Örkden el üzmän,

Ummanlara sary ýol aşar salyň.

Basgançaklar bilen galar bararsyň,

Menziller şanyňa götär baýdagyn.

…Näçe ýaşasaň-da,

Nirde bolsaň-da,

Sen Ene gözüne eziz balasyň.

Didäňe nur çaýyp yhlasy bilen,

Gadamyňa düşär ömür ýaýlasyn.

Ol — Ene,

           Gaýyn ene,

                     Edepdir — ýene,

Gözleriňi açjak mekdepdir saňa,

Ýürekden syzdyryp,

                  Janyny gatyp

Deprenmez  ojagyň oduny ýakyp,

Apalap goşýandyr Adam sanyna

Ākider,

        pata biýr  uzak ýollara,

Şeýdip, rowan eýlär  ilden illere.

Asmany göterip,

                       Ýeri saýalan,

Howalaly daglar göze ýakymly.

Dutaryň owazy,

              Enäň hüwdüsi,

Beýhuş edip barýar dünýäň akylny.

Ene!

Keramatyň alawly keşbi,

Söýülmek bagtyny Perzende beren.

Zeminiň,

          Asmanyň –

Barlygyň yşky- 

Sen,

Zemin goýnunda arzyly kerem.

                                      ***

Enä sarpa goýan iki dünýäde,

Ýalkanar!

       Ýamanlyk ýüzüni görmez,

Haýbatly daragtlat gol-pudagyny

Badyhowa ýeliň oýnuna bermez,

Diňe,

      Şan getirer Watan binýada,

Ene mährin içip boý alan serwer,

Bir ömre bir gezek berilýän päklik-

Takdyry ýagtyldýan çyrag parlasyn.

Ümmülmez Āleme gözellik paýlap,

Ebedi parlaýan  çynar solmasyn.

Ýar ojagna wepa, ykrary bilen,

Pamyk deý ygrary,

                          yhlasy  bilen-

Jahan şalygynda soltan Eneler.

Kir kimirsiz aklyk bilen arkaly

Il öňünde ýagşyzada sarpaly-                                  

Päkliginde Taňry ýalkan Eneler.

Halallykda kerem-duza deňeler.

Durmuşyň duýdansyz oýunlaryndan,

Mukaddes Enäni aýamak derkar.

Ene!

Adamzady şaha ýaýradyp,

Dowama ýetirýän ýalňyz tenekar.                                                                                                                                                                                                                                                                                                                                                                                                                  

Watany saklaýar Käbäň yhlasy,

Aýaňyzda aýap,

               kalbyna uýuň.

Ene tebigatyň sahy zurýady-

Topraga söýenip,

Nura eýlenip,

Zeminiň diregi-

Enäni söýüň!

                    ***

Men surat çekerdim,

                      irmän-ýadaman,

Ālem gozelligniň goýnunda ýerläp.

Mähriban Enäniň keşbini çekdim,

Perzentlik mähriniň nuruna eýläp.

Intizar göwnümi  mährine dolap,

Dolandy,

Ýeke-täk arzyly dünýäm-

Ene hüwdüsine kalbymy çoýup,

Küýsegli ýyllaryň goýnuna siňýän-

Päklik dergähine ýüregmi goýup,

Bagtly çagalygyň tagtyna münýän.                             

Gözelligiň täji-

                 Enäniň kalby-

Dünýä bagyş edilen mähriň  gaýmagy.

Tebigatyň özi ýürege guýýar,

Enäni goraglap,

                aýap, söýmegi.

Enäniň şanyna asman dür seçýär,

Güneş nurun saçýar-

                        Ālem gül-gülzar.

Çünki, Eneleriň ömür müçesi

Söýgüden,

          mähirden,

                    yşkdan düzülýär. 

Melek deý enaýy,

                  kalby gunduz deý,

Enäň jigerinden ömür başlanýar.

Ene, ýaşaýyşyň gözel humaýy,

Çuňluklar hüwdüden gözbaş-gor alýar.

Enesiz ykbal ýok,

                   Enesiz ýol ýok.

Enäň mertebesi ebedi gordan.

Ene, ýasaýyşyň perişdesi dey,

Goraýar dünýäni bela-beterden.

Sahawat başlanýar Enäň göwnünden-

Mähriniň ýaýlasy-

                    ümmülmez dünýä.

Hata: bagyşlanýar Enäň öňünde-

Çünki,

        didesinde ömür görünýär.

Dünýäniň ýüküni ýeňletmek üçin,

Enäniň gerdeni her dem ýüklüdir.

Perişdä mynasyp Beýik mertebä

Ýaradan ýalkawly

Ene haklydyr!

Şonuň üçin,

                Ene mukaddesligi,

Aýlanyp ýör, synamyzda gan bilen.

Diňläň!

Ine,  nesilleriň islegi:

Dünýä dursun,

Ene dursun, şan  bilen!

Guw mysaly Eneleriň ukusyn,

Ömürboýy gorarys biz jan bilen!

Mertlik ýoly

Dünýä dolan ykbalyňy goterip,

Döwlet-döwran saňa sary dolandy.

Eziz türkmen!

Asman seňki,

Ýol seňki-

Bedew atyň uýanyny çeýnäp dur

Ganat sende-

Sekiz arşa gal indi.

Gal indi!

          Eserdeň-

                    Dogmuna dolan                       

Ogullaryň hyzmatyna gaýymdyr.

Adalatyň — iň ýokary mertebäň,

Beýik bolmak-

Seniň asman paýyňdyr.

Guran Binaň-

Gerçekligiň nusgasy,

Düşülen ýol Käbe deýin ezizdir.

Gatbar-gatbar hazyna deý geçmişiň,

Ýyllar basyp ýatan ataşdyr, közdür.

Ýaşaýyşyň asmanynda galkynyp,            

Perwaz urşuň algyr guşa meňzeýär

At segredip gecen şanly menziliň,

Belent seriň Elbrusa deňleýär-

Dünýä bilen bile dörän  daglaryň,

Beýikligne ýaýdy seni menziller.

Şahandazlar ruhubelent bolýandyr-

Ýalkanyş bar seniň ýagty meňziňde.

Bagtyň çüwdi!

Ykbal saňa eçildi,

Ýüzüňe syl!

Şu gün bagta kepildir.      

                  ***

Ýüregi — tobaly,

Kalby – Kabeli,

Gadymýete siňen arysyň, saksyň.

Juwanmert* ýürekli-

Gyr at üstünde,

Şöhrata ýetişen batsyň,

                                  gaýratsyň.

Hindiguş, Altaýyň gaýalarynda,

Tir-keman atyşyp

                      hem  hoş söz bilen,

Göwünleri awlan ezber ussatsyň.

Ýaňy bişen nanam käte tötänden,

Küle gaçyp bilýär,

                       pirli tamdyrda.

Gyzgyn Gündogaryň üşük uçguny,

Dogmuňda taplandy taryh çarhynda,

Şanly ýedi arkaň gory çyrpynýar           

Seň mukaddes adyň ýedi harpynda.

Ykbal ala gelip saý-sebäp bilen,

Jyllyköle*,

      Şybyrgana* göç etdiň.

Tenha Hak alnynda  baş egen türkmen!

Isgender şahlynyň lapyn keç etdiň.

Deşti Kerbelada kereme duşup,

Watan gujagynda bagta sataşdyň.

Ýyllar seni sabyr bile sylaglap,

Tagapyl etmäge puryja berdi,

Asmanyňa seýle gelen bulutlar,

Süýr depäňden gaýrat gorun inderdi.

Synaldyň,

              Şan aldyň,

                         gaýlarda gaýnap,

Bagt ýoluna düşdüň mertligi saýlap.

Jahan şalygynda han hanan bolup,

Mukaddes adyňy beglikde ýaýdyň.

Degresine azan okan Keýmiriň*,

Mertlik dogasyna kalbyňy ýuwduň.

Gaýrat gyljyn syryp,

Taryha dolan,

Ömür beýannamaň Senamy?!

Aýdym?!

Sen Watany hergiz ýalňyz goýmadyň,

Çünki, ömrüň Watan bilen badaşan.

Ylma hemaýatyň gadryn bilýändir,

Nadanlygyň jümmüşinde azaşan,

Akyla, ylyma daýanan türkmen,

Dünýäň Beýik danalary Ussadyň,

Paýhas dänelerin Zemine seçip,

Asman ogullaryň beýgeldip adyň,

Ýanbermez  ruhuňdan ganatlanypdyr,

Ýoluňy aň bilen nurlandyryp dur.

Ýüregiň päk-

Saýlan ugruň adyllyk,

Bagtyýarlyk ýalkym salýar ýoluňa.

Ýyldyrym deý  ak bedewiň  üstünde

Bagt bakdy Watanperwer ogluňa.

                   ***   

Ýakymlydyr,

Ýaňy bişen çörek deý.

Ýüregi asmanyň gözünden päkdir.

Bu türkmeniň,

göz-göreji üçgunly-

Aňyna taý geljek parasat ýokdur.

                            Gazanyn atarar toýa niýetläp-

                            Göwni — bereketdir,

Kalby — abatdyr.

Miraslaryň gymmatlysy –Edebi,

Gündogar ýyldyzy Çyn-Maçynda –şan.

Halal hazyna deý deprenmez däbi-

Saçagy-Kasamdyr,

Hany-desterhan.

Arşyň serpaý eden paýhas keremin,

Ýer ýüzüne ýaýan danalar sende,

Dünýäň serine deň-

                            Parasat goruň

Saldarlap-saldarlap mizan çekende.

Parasatdan ýüklän kerweniň ýükün,

Geçmiş uzagam däl, münseň hyýala.

Göwni jomartlara peselme ýokdur-

Ynsanperwer şugla sen sag-u-sola,

Beýikler paýhasda asmana galýar,

Mertebäň,

            buýsanjyň nurdur bu ýola.

Beýik ýüpek ýoly-

                Dünýäň kalbyna,

Türkmen ýüreginden mähir akdyrýar.

Asmandan  Zemine,

Toprakdan Aýa

Ezizlik eçilýän nurly takdyr bar.

O takdyr eýesi-

Türkmeniň ili,

Bürgüt gözlerinde dünýäň yşky jem.

Berkararlyk tugun tumar deý gorap,

Arkada dagyna baş goýar her dem,

Goňşyny sarpalap,

                       Dogany söýüp

Çynar deý-

          çuňluga kök urýar türkmen.

Ol Watan zurýady,

                        ýurduna berlen-

Bir parça topragy, jan berer,

Bermez!

Ol – özüne baş saýlamaz her kesi,

Arkasynda dagdyr ýurduň eýesi.

Ol — mertligiň dogulşyna şaýatdyr,

Ejize al salmak türkmene ýatdyr

Ine, şeýle millet biziň aslymyz,

Ýüzi Käbä sary-

Kalby halalda,

Mertlige ýugrulan taryh ýazylýar,

Berkarar döwletli bagtyýar ilde.

                   ***

Ýüpek deý mylaýym,

Kalplara ornan,

Bagtyýar ýylgyrşyň ýazdan nyşandyr.

Ýüregňe dolupdyr Bagt Gün bile,

Taryply taryhyň aslyňa şandyr.

Sen Asmanyň ogly-

Arşy Halatly,

Ýurduň-ak telpekli

Türkmenistandyr.    

Agzybirlik,

             Ynsaplylyk,

                             Jomartlyk,

Adalatdyr örk-daýanjyň-

                               yglanyň.

Genji kän däl,

                   hazyna däl,

                                 milli ruh                                  

Baýlygydyr bagta sygnyp ýygnanyň.

Bagtyň hak eýesi-

Türkmeniň ili,

Bürgüt gözlerinde dünýäň yşky jem.

Peder ojagyny tumar deý gorap,

Ene keremine baş goýar her dem,

Goňşyny sarpalap,

                       Dogany söýüp

Çynar deý,

          çuňluga kök urýar türkmen.     

Şonuň üçin,

            Ugur alyp ugranyň,

gGerim tapýar, götereniň ak Günde.                                       

Hoş söz  bile duşmany dost eýleýen,

Oguz hanyň  beýik ruhy bar sende.

Gara başyn binýat eýlän, dynçlyga,

Çyn ärleriň mertlik ýoly bar sende.

Ýeňiş,

          mydam beýikleriň golunda,

Mertler bilen ýeňiş ýeňiş bolýandyr.

Iki ujuny deňläbilseň paýhasyň,

Ýeňşiň özi seň üstüňe gelýändir.

Watanyň mukaddes senasyn ýazdyň,

Gaýduwsyz ýüregiň gürsüldisinden.

Gaýlarda gaýnaýyp,

Ýowda taplanyp,

Mertligiň goýnunda üwreldiň, türkmen,

Müň başly goşuny bir sere jemläp,

Ýeňşiň ruhuna öwrüldiň,  türkmen.

Ulusy-kiçisi bolmaýar bagtyň,

Ruhanalyk seniň altyn halkaňdyr.

Magrupdan Maşryga kerwenler çeken,

Mukaddes geçmişiň-

Şanly arkaňdyr.

Durmuşyň owazy gazal hem dessan,

Durmuşyň owazy ýaňlanan tardyr.

Her bir gatlagynda goja Zeminiň,

Dünýä gadam goýan mirasyň bardyr.

Seniň deýin millet barmy dünýäde-

Gül göwnüňde giňligi bar asmanyň.

Hak eýesi!

Sen – Zähmetkeş töresi,

Dünýäň nur halkasy Türkmenistanyň.

Ýyllaň hossasynda buýman, eremän,

Iňrikde irkilmän,

                      daňa ýörediň   

Dörediň ynsapdan,

                            ähtden dörediň-                                             

Ganatyňy ýaýdy gaýratly ýoluň,

Tug dikildi merhemetiň şanyna,

Adyňy beýgeltdi merdana iliň,

Depäňden göteren Gögüň ýanyna

           ***

Türkmen!

Ýene beýiklige bat aldyň,

Ýollar rowan indi röwşen geljege,

Döwletimiz kuwwatlanýar gün-günden.

Gülüp dogan täze Günden ýalkanyp,

Rowaçlanýar şol gadymy Üçgümmez.

Seniň kalbyň-

Mähribanlyk nusgasy,

Seniň aslyň beglerdendir aslynda,

Baş şygaryň: „Döwlet adam üçindir”-

Amal eýläp,

                bagty nazarlap dursuň,

Ykbalyň deý beýik tuguň astynda,

Ýaşyl ýaýlaň deýin göwni gülzar sen.

Eýýup deý sabyr-u kanagat bilen,

Watan eradasyn amal eýlär sen.

                        ***

Ganatlydyr biziň aýdyň döwrümiz,

Beýik günler eşret-tagty bagş edýär-

                            Jennetiň töründe açylan  gül deý,

Bu döwran  ömürleň ajap  nagşydyr

Şahandazdyr-

Türkmeniň ýa:ry şahyr,

Galabasy dessan gaýran bagşydyr.

Sen bagtyýar!

                 Dünýä deýin mähriban

Mesgeniň, mekanyň çeçek bürendi.

Ganatlydyr aýdyň asmanyň şasy-

Bagtly uçuşyňda menzil göründi.

Sen bagta baý!

Gel, owadan ýaşaýşyň,

Bagtyýar heňine köňül goý indi:

O heň — ylym bilen dem alýan günleň,

Aňlary galňadan mahmal owazy.

O heň – aýdym bolup uçýan ak tünleň,

Bagt bolup ykbala dolanan ýazy.

O heň – zer öndürýän zeberdes gollar,

O heň — ganatyndan göterlen peller.

O heň –Watan mertligine öwülip,

O dünýä, bu dünýä ýalkanan nerler-

Bolup,

       melhem sabalaryň sazyna,

Dolup,

        dolup Beýik taryhy ýazýar.

Arkaňda dag

                 Arkadagly ilimiň 

Şan-şöhraty bolup Jahany gezýär.  

1. Şybyrgan,

2. Jyllyköl- Degişlilikde Owganystanda we Täjigistanda türkmenleriň ýaşaýan etraby.

3. Juwanmert- rysar

4. Keýmir Kör oba aýlanyp ýaňy doglan çagalara azan okar eken.

Arkadagym -Şamçyragym

Parasatda göçüp,

Menziller açyp

Bedew bady bilen,

                       tutuş iliniň

Ýurdunyň ykbalyn omzuna atyp

Ýörelmedik ýoly yzarlap barýar,

Naýbaşy zehiniň şuglasyn saçyp,

Ýollaryň aýdyňyn nazarlap barýar.

Dünýä bilen dogan bolup,

                                     dostlaşyp,

Derwezesin açdy tämiz kalplaryň,

Alkyş, sogap, mähir bolup gurşady,

Ýaşulynyň mertebesin göterip,

Çog boldy ýaşkiçä duşan pursady.

Şamçyraglyk nury guýup kalbyna,

Arkadagym serpaý edýär halkyna,

Mertlige ýugrulan  kyssa-şygryndan-

“Döwlet guşy”,

                        Pyragydan söz açýan

Ol “Ynsan kalbynyň  öçmejek nury”.

Oňa boýun sunýar çäkleriň bary

Beýiklige galýar ölçeg çygryndan.

Samçyrag- daglaryň belentliginde,

Samçyrag-sazlaryň belent heňinde,

Il-halkynyň ýüreginde ýaňlanyp,

Bagtyýarlyk münberinde diňlenip,

Özüne öwürýär nazaryn dünýäň.

Nämüçin beýlekä,

                     nämüçin, diňläň!

Ýagtylyk,

            ýagşylyk,

                         behişdi gylyk

Jemlenendir Şamçyragyň köňlünde,

Diňe şolar bir ýürekde jemlense,

Parasadyň mizanynda deňlense,

Döwürleri besläp ýalkym, şanyna

Öwrülýändir kalplaryň soltanyna.

Şamçyrag nur saçýar,

Gün deý lowurdap,

Döwre goýup nur çogdurýan ýüregin,

Çarhynda aýlaýar paýhas küregin,

Saýasynda parasadyň,

                                   paýhasyň,  

Jennet deý Watanym ganatyn ýaýýar,

Şu bagtyýar ilde ýaşaýan gerçek,

Arkadagly ilde bagta ýar her kes,

Özüni dünýäniň soltany saýýar.

Şamçyrag nur saçýar,

Bagt daňy atýar

Dünýäde sylagly, sarpaly döwür,

Pyragy deý kämil,

                        asman deý tämiz,

Iň kämil paýhasdan arkaly döwür,

Bereket bulagyn,

                   Bolçulyk çäjin

Döredip, jennetde ýaýnadýar ilin.

Wagtdan öňe geçip menzil düýrmedik,

Emgenmez  zähmetiň zarbyn görmedik,

Talapkärdir işe gezek gelende,

Talap bardyr

                 dal bedewiň derledip,

Tug parladyp,  galmak üçin belende.

Sagat deýin öňe  gitmeli diňe,

Atalyk talaby öňe ýöremek.

Gymmatly her minut, ýekeje pursat

Söýgi deý owadan,

                             Ene deý eziz

Watanyň şanyna  joşýarka gursak,

Ýör öňe,

            ýör öňe,

                      ýör öňe gerçek.

Şamçyrag nur saçýar,

Hazarym joşýar,

Awaza-ak ýalkym,

                       Şatlyk şapagy-

Watan gujagynda şagalaň-şowhun,

Al-asmandan inen zer gupba deýin,

Ýadyňa dűşűrýär  melhem howaly,

Saglyk,

        bagt paýlaýan şepagat őýűn.     

Kaşaň ymaratlar-dőwrűň gudraty-

Deňiz çuňlugyndan çykan merjendir.           

Awaza başlaýar täze dőwrana.

Dünýäni çagyrýar sapa-seýrana,

Hazaryň hözűri,

Durmuşyň dady,                      

Ömrüňe ýagtylyk,

Jana melhemdir.

Dőretmek — ýasaýşyň ýeňişli ýoly,

Gurmak – täze owaz bermek durmuşa,

Begler, soltanlaryň,

                          Şalaryň ýurdy

Guw kibi galkynýar täze gőrnűşe-

Dűnýäniň űmzűgi Bahry-Hazara

Awaza,

             Awaza,

                         Ýaňlan Awaza!

Aýlawda saýlanan-

                       köpüň biri däl,

Mynasyplar götär mertebe tugun.

Gadamyna gül düşäp,

                        menzilme-menzil,

Baş egip buýsanýar,

                      ykbal toýuny

Göwnünde toýlaýan mertebeli il,

Baş egýär sährada altynbaş sümmül.

Baş egýär kalplarda açylan şa gül.                    

Şamçyrag nur saçýar

Gül-gülzar çölüm

Garagum,

           Garagum-hazynaly hum,

Açan begdir hazynanyň gulpuny-

At űstunde aýlawlarda saýlanan,

Paýhas bilen  kesgir aňa eýlenen,

Damja suwdan őndűrip zer,

                                         altyny,

Bal durmuşa alyp barýar halkyny.

Lummur-lummur-

                    ýasaýyşyň mukamy,

Goýnunda yaňlanýar  iň uly çőlűň!

Desgalary belent,

                         Tutumy uly

Çőldäki direlşiň toýuna geliň!

Şamçyragym-Arkadagym ýaşasyn!

Jebisleşip, halka gurap daşyna

Asyrlar,

            Pasyllar,

                     Altyn nesiller,

Bir  maksada giriň!

El—ele beriň!

Asyrlar aýlanar,

dolanar ýyllar,

Gűlzar bolan çőli gőrer ýaşaýyş.

Tűrkmen köli-

                       täze döwrüň joşguny,

 Ajap görnüş tolkunynda durlanýar,

Döwleti bagtyýar Altyn Zamanaň,

Beýikligne şaýat bolar ýaşaýyş

Dűnýä dolan bagt kolűni gulaçlap,

Döwlet guşy başymyzda pyrlanýar.

Bu köl-Watan waspy bolup gorűnýär-

Prezidentiň gaýratyndan  mőwjeýär,

Altyn Asyr-Tűrkmen kőli,

                                            durmuşyň

Tagamy deý günbe-günden süýjeýär.

Bagt köli-

Garaguma jan berip,

Ösűşleriň bady bolup çyrpynýar.

Buýsan Diýar,

                 galk bagtyýar zamana,

Arkaňda dag,

Ýurt hossary merdiň bar.

Ýagtyldyp ýollary ýagşylyk paýlan

Gahrymandyr, 

                mähribandyr, bakydyr. 

Gahrymanlar- mynasypdyr tarypa

Gahrymanlar-meşhur goja taryha.

Niçikmi,

             nur çaýyp göreçlerine  

Bir mähriban ENE dursa alnynda    

Derhal,

          ýazyň ýakymyna beslenip

Mähir akar  zybanyndan söz bilen,

Durky bilen gadyr bolup seslenip

Haýyr-yhsan,

Hemaýat bolup geler;  

Muny diňe, perzentlik penasyny

Alkyşlaýan bagtyýar ENE biler! 

Bolelin ýaşaýyş,

                        eşret-u sapa

Ýol salarmyş diňe döwletli gapa.

Rysgal-bereketli,

                     bagta baý ülke

Bijede saýlanýar  ýalkanan halka.

Arkalydyr arkasynda dag bolan,

Bagta hemra bolduk Arkadag bilen!

Şamçyrag nur saçýar,

Menziller aşýar

Paýhasa eýlenen kesgir aň bilen.

Döwürleriň ajabynyň başyny-

Çekip barýar bagtyýarlyk kerwenin,

Watan başa täç eýleýär serwerin.

Şamçyrag nur saçýar

Çarpaýa galyp,

Bedew bady bilen göçýär zamana.

Belent tutumlaryň,

                          howalasynda

Dünýä ýollaryny açýar zamana,

Doganlyga altyn köpri,

                                  ýol gurup

Ol mydama juwanlygyň destinde.

Başynda bagt guşy,

Bakylyk sary

Parlap barýar ak bedewiň üstünde.

           «Watan» diýip…

«Watan» diýip nura dolýar gözýetim.

Ak sabalar ýañlanýar diýip «Watan»–

Gün dogýar gerşiñe başyny goýup.

Eziz Watan!

Ykbal çekip kädaýym,

Süññi seniñ keremiñe eýlenen,

Del ülkede, ýat toprakda eglenen,

Seni küýsäp,

elenýär «Watan» diýip…

Dañ säherde küý-köçäñde ýok zatlar,

Hakydaña geliberýär kämahal.

Ine, menem aýdyşy deý ussatlar–

Hyýalyma atlandym-da, nämahal,

Nä zamana, aýlanmadyk ýerlerime,

Aýlanyp, aýlanyp,

keýpden çykdym, 

Bolar ýaly däl…

Hyýal hyýal bolýar, müşgülmi oña–

Golaý-goltumyñda goýýar menzili,

Edip bolmajagy bolsady ekip,

Getirip alnyñda dyza çökerýär.

Erteki däl, özüñe ganat berip,

Sekiz arşyñ deñine çen göterýär.

Bolar ýaly däl…

Ine, birden gaýry ýurtda, del ilde–

Çigrekli gyş güni,

galyp guşguny–

Serhetiñ çägine aýagyn basan,

Alnynda kalbyny sarsdyran Watan!

Amangeldi Gönübek at üstünde,

Gara gazma dutary bar destinde,

Uzaldyp durjak däl menem gepimi,

«Goñurbaş mukamy» perdeme-perde,

Ýüregi güldürip açdy sepini

Bolar ýaly däl…

Gyşda-ha däl, ýazda dörän bolmaly,

Bu mukamda dok tümmüliñ, ter gülüñ,

Ygşyldysy,

Aýdymy bar bilbiliñ,

Şojagaz ýerinde menem aljyrap,

Düşünmedim nämäñ nämedigine,

Hakydamda hyýal bilen hakykat,

Bir bada söweşdi,

Rüstemdi hyýal,

Bolar ýaly däl…

Hyýal göçdi ýene başga bir dünýä,

Hindi ili,  golaýynda Deliniñ,

Hyrydary ýetik süñk deý dokalan,

Göýä türkmen ykbaly deý okalan

Ýerde dogan şapak deýin nurana

Bahar gunçasy deý ajap halynyñ.      

Başym  bir mylaýym hyýala çümýär.

Gourgan bazary gyzyşdy iññän.

Bolar ýaly däl…

Hyýal näme,  ak ganatly perişde,

Münseñ ganatyna, daýym ýörişde,

Moldawiýa gagauzlar mekany–

Ajaby ol obalaryñ içinde–

Iñ uly Dezginźa ýaýylyp ýatyr.

Mundadyr almanyñ, üzümiñ hany,

Toý tutulýar,

Atarylýar toý gazan,

Ojaga galanýar sazakdyr, sözen,

– «Gelin geliýr, gelin» diýişip ýören

Mähelle ýatladýar Türkmenistany.

Bolar ýaly däl…

Türkiýe, Koniýa,

Konstantinopol,

Oguz han atamyñ gözünde ýakan

Gaýa han Oguzyñ pähminde akan,

Adalatyñ közi,

Päkligiñ özi,

Alplaryñ ýalkymly ýoly bar munda

Sogüt,  Bursa taryhyñ

röwşen yzy,

Beýik imperiýañ oduny ýakan

Soltan Süleýmanyñ edermen nesli–

Ärtogrul Gazynyñ, 

Osman Gazynyñ,

Ýanbermez, gaýduwsyz, garadan gaýtmaz,

Adalatly Gaýyly ili bar munda,

Bolar ýaly däl…

Hindiguş, Altaýa,

Halap, Şirwana…

Dünýäñ çar künjüne kökün ýaýradan,

Kä Görogly bolup, kä aşyk Nejep,

Dutaryñ sapynda bilbil saýradan,

Nurana türkmenim!

Niçik kerem sen!

Aýtymyna akyl ýetmez adamzat,

Seniñ nepis sungatyña baş egdi,

Akylda aldyrmaz,

güýçde ýeñdirmez,

At jylawlan mert ärleri beren sen!

Topragna bakylyk nury sepilen

Jenneti dür,

              behişdi nür–

                            Erem sen!

«Watan» diýip nura dolýar gözýetim.

Ak sabalar ýañlanýar diýip «Watan»–

Gün dogýar gerşiñe başyny goýup.

Eziz Watan!

Ykbal çekip kädaýym,

Süññi seniñ keremiñe eýlenen,

Del ülkede, ýat toprakda eglenen,

Seni küýsäp, elenýär «Watan» diýip…

      Ylymly il, dőwletli il

Beýik sene-

              ýurtda Ylymlar güni,

Sarpalaýar sowatly il alymy.

Prezidentim,

          jöwher paýhasyň bilen

Biserhet, gőzýetmez,

                         çäksiz äleme

Şa ýol açyp

              dűnýäň ylmy gorlarna,

Gőge ýaýyp açyşlaryñ şanyny,

Akaba getirip paýhas-añyny,

Ýaran eýläp Beýik ruha  adamy,

Dowam etdiň

                     danalaryň ýoluny.

Nesilleriň rőwşen geljegi űçin

Kűt-kűt kitap-diwanlary agtaryp,

Beýiklige ömür goýan danalar

Ençe ýőrelgäni,

                       ençe syrlary

Paýhas-pikir eleginde sowuryp,

Döredip altyndan zyýada gory

„Iññe bilen guýy gazan”  danalar,

Şanly ertäń,

                   rowaçlygyń

                                    şu günki

Parlak daňyň sazyn ýazan danalar.

Durmuş ýűki seniň ezber egniňde,

Tijen alym!

                Gőzle,

                            Dőret,

                                     Gur, bu gűn!

Ylym – ömre serpaý edýār güýjüni,

Açyşlaryñ hasyl bolýan eýýamy.

Beýik ylym paýhas bilen goşulyp

Haýran edýär,

                 bagta muşdak dünýāni!

Minutlar aýlanýar−ömür galňaýar,

Parasat aýlanýar−durmuş ýeňleýär,

Alym ýüreginiň açyşlaryna,

Döwür

            sagadynyň dilin deňleýär.

Alymyñ serinde şinelān pikir

Şu gűne,

          geljege binýat bolup ýör.

Günüñ ýüreginden kuwwat öndürip,

Zehin çuňlugyndan çogan çeşme deý

Ýaşaýyş siline gözbaş bolup dur.

Ylym-dűnýä,

                Ylym-ganat,

                                Ylym-ýol,

Durmuş görejine şugladyr ylym.

Ýaşaýyşyñ ol bakyýa köwserne,

Alym paýhasyndan gönezlik alyñ!

Beýikligiň başlangyjy ylymdyr,

Ösűş, ýeňişlere binýatdyr ylym,

„Ylymly il,

                dőwletli il” diýlendir.

Behişti eýýämy halkyna beren

Il-güne mähriban Prezidentimiń,

Altyn paýhasyna  ganatdyr ylym.

Gahrymandyr

Ile Arkadag duran!

Ak ýoldan başlanan mukaddes IŞDIR!

Gözbaş alyp asly serwer ömürden,

Halkyň ýüreginde jana öwrülen,

Watanyň başynda mukaddes

TÄÇDIR!

Bagtdan ýarlygy bar ylymly seriň,

Bagta şärik edýär töwerek-daşyn.

Halatly ykbalyn dünýä jar edip,

Her basan ýerinde

                       bahar döredip,

Asmanam ýalkaýar doga mertlerin,

Kerwene baş bolmak,

                            paýydyr neriň!

Bagt ýoluna aýdym aýdyp barylýar,

Paýhaslynyň nyşanasy ýeňişdir.                               

Ýeňiş bilen ýollar ýetýär menzile,

Her ýürege bagtyýarlyk eçilip,

Ýol düýreni,

            aýdyň, kimse ýeňipdir?!

Ile döwlet gelipdir!

Prezidentim!

Ań-paýhasyń görelde.

Bagtyýarlyk ýolun gurduń ylymdan,

Beýik işleń nesillere ýörelge.

Mähriban Watanym!

Ýagty jahanda

Hiç kimiňkä meňzemeýän yz goýduň.

Güýçli döwlet gurýan mert yhlasyndan

Aň–bilimi goşa ganatyň eýläp,

Her ädimde bir asyrlyk özgerdiň,

Dünýä täze,

                hiç sowulmaz ýaz berdiň.

Beýle beýik döwür haçan bolupdyr,

Beýle döwri haçan görüpdir gözler !?

Bu döwür beýgelýän döwri adamyň,

Durmuşy bagtyýar il-günüň, halkyň,

Bilime serpaýy,

Yşky bu bagtyň.

„Watanym-ganatym,

Halkym-daýanjym”−

Prezidentiň ýüreginiň közüdir!

Ynam,

          Umyt,

                   Ýaşlyk beren ykbala

„Halkym” diýen merdanalyk sözüdir,

Paýhas gözüdir!

Watanyň çar künji gaýmaklap joşýan

Zähmetiň badyndan bal akýan derýa.

Ylyma baglanan Beýik Ýaşaýyş

Durmuş ýüregine jan bolup inýär.

Muňa gudrat diýmän näme diýersiň?!

Ne diýersiň, muňa gülleýiş diýmän?!

Bagtyýar döwranyň binalarynda,

Görülmedik dereje bar şanynda,

Görmäge göz gerek,

                   Buýsanmaga ser,

Ýyndamlyk ýyldyrym çakýar aňyňda.

Bu zamanaň ýelden ýüwrük bady bar,

Ýüregi galkdyrýan beýik ady bar.

Durmuş kitabyna baky ýazylar,

Ylyma bat beren altyn seneler,

Ylym,

        Bilim,

                   Ýagtylyga ýol açan

Il içinde Ýagşyzada deňeler!

Bu döwletiñ berk binýady ylymdyr,

Bu dowletiñ ymaraty  ylymdyr

Ýüreklermiz gözleglere owsunýar.

Beýik zamananyñ Ömürnamasyn

„Ylym, Bilim, Alym”  sözünden başlan

Prezidentim!

Döwür Size buýsanýar!

         Watan yşky

Diýarym sen!

Aýdymlardan ybarat,

Kararym sen!

Her ykbala delalat. 

Gerim tapdy oba,

                     kendiň,  etrabyň.

Dost-doganlyk — Bitaraplyk ykraryň.

Seni  söýüp bagta ýetdi ýolumyz,

Seniň yşkyň göterdi il ykbalyn.

 Bagtyň  bar,

           Sarpaň bar,

                     Ganatly  ýurdum!

Türkmen  yhlasyna ak ganat beren.

Türkmen ykbalyna adalat beren,

Watan gullugynda,

                  hyzmata gaýym

Durana kuwwat biýr Asmanam,

Ýerem.

Gadamlaryň menzillere barabar,

Ylym galkdy,

              Alym galkdy,

                           Ser galkdy.

Mugallym, lukmany,

                            işçi, bagbany

Okuwçy, talyby, garrysy, ýaşy,

Alymy, Şahyry,

                  bagşysy…bary

Seni söýüp ykbaly çüwen halk bi.

Seni baky,

          Depesinde göterdi,

Sen diýip topragňa baş goýan aslyň.

Gujagyňa dolýar

                    toýly ýazlarda

Dünýäň çar künjüne kök uran nesliň.

Ýüz müň öwüşginli,

                      müň anbar ysly,

Bossanyňa gonan günler höwesli,

Döşüňe buýsançdan çeçek getirdi,           

Ýaz bolup gülleýän Galkynyş paslyň.

Seniň adyň-

              ajap aýdyma meňzeş,

Aýdymly gursagyň howasy sergin,

Seniň adyň –

              adyl tuguma menzeş,

Baýdak göterilse-

            ýeňişden her gün,

Feýerwerkler bilen göwher ýyldyzlaň,

                            Nuruna bezelen Zamanym, dursun.            

Galkynan ýurdum.

Sen hakda ýazmazlyk asla mümkin däl,

Mümkin däl,

             ýazmazlyk hoşmeýil waspyň,

Sen diýip galkynýar topragam,

                                          Ýerem,

Sen diýip eçilýär ummanym dürün.

Päli düzüw ile  ýagarmyş rysgal-

Sen diýip eçilýär asmanym nurun,

Seniň Watan adyň-

                   Bitarap Diýar,

Beýik ymaratlaň haýbatynda dur.

Seniň şan-şöhratdan galkynan badyň

Gullukçy,

           zähmetkeş,

                    gurluşykçynyň,            

Watanparaz esger,

                   mugallym gyzyň, 

Adynda,

       gaýduwsyz gaýratynda dur.

Ajap röwşe gelýär kalplaryň yşgy,

Ajap röwşe gelýär bagtlaryň köşgi,

Basgançak,

          basgançak ýeňişler bilen,

Dünýäniň egnine deňleşdi egniň,

Her Zaman,

            her eýýam öňe çykarýar

Watana şan bolan gaýduwsyz dogmun.

Dag döşüni ýaryp çykan  çynarlar,

Beýikligiň jümmüşinde ýer edýär.

Watan!

Ýeňiş bilen  ýeten sepgidiň,

Bu gün seniň dünýä deýin giňligiň,

Bitarap,

           gözýetmez pähim çuňlugyň,

Āgirt tutumlaryň howalasynda

Mahmal owaz bilen

Dünýä jar edýär.           

 Nirede rowaçlyk -bagtam şol ýerde,

Çünki bu iki söz- bir synadandyr.

Ýyllaryň synagy ýügrup-ýasap

Bu iki pälwany bir jan edendir,

Rowaçlyk-ýoluňa!

Bagt-ömrüňe!

Bularyň mesgeni Beýik Watandyr. 

Bagtyň şaýolundan şaha ýaýradan,

Suw ýaly ýollardan

                    saldamly ýöräp,

Diňe sabyrlylar ýetýändir bagta.

Polat ýol,

             deňiz ýol,

                       asman ýollary,

Äleme ýol açdy Bitarap halka.

Şa ýoluňa düşen senden daşlaşmaz,

Dolanar,

           eglenmez saýry ülkede.

Her guşa öz höwürtgesi ezizdir,

Ezizlik ýitmeýär,

              Ol — Watan yşgy,

Ol yşk kalba siňýär Alla yalkasa.

Il-ulus,

          dost-dogan,

                        myhmany bilen

Diýarym toý tutsa gazan ataryp,

Gelnaljysy gelen ojaga meňzeş,

Diňe beýik zatlar edilýär taryp,

Ýyllar egsik gelýär,

              ölçärden  boýuň,

Şaýatdyr Ene Ýer,

Şaýatdyr taryh.

Ýaşaýyş –sen,

            Sen mukaddes sežde sen,

Waspyń üçin tükenmezdir togabym.

Bitarap sen,

         Döwran gitmez üstüňden

 Saňa söýgim-

           Ömürboýy sogabym

Behişti  gawun

Tomsuň gursagyna köz guýan güneş,

Zemine dürtüpdir nurly neşterin.

Ömrüň baharyna seýran edersiň,

Synlasaň bir meýdan gawun keşlerin.

Lowurdar saryja ýyldyz gülleri,

Ýürege jennetiň yşkyny çaýyp.

Biýara duwlanan gökje terneleň,

Tüýjümek ýaňagy neneň ajaýyp.

Ýedi hazynanyň başy topragym,

Açypdyr döşünde behişt gapysyn.

Megerem, asmana göz edýär Zemin,

Daýhanyň zähmetden bagt tapyşyn.

Topragym eçilýär derin dökene,

Arşy sahawatyn sahy asyrlaň.

Janypkeş daýhanyň bedewi çykýar,

Aýlawyna girse jomart pasyllaň.

                      ***

Beýik depäň üstünde,

Gurup gamyş çerdegi.

Pellerinden bal akýar,

Synlaň daýhan gerçegi.

Gül-gunça dek açypdyr,

Azap çekip bagtyny.

Alabahar ýetirip,

Şüdügäriň tagtyny.

Çigit ekip, gämigi,

Yhlasyna suwardy.

Zer topraga sepeni

Ýekesine müň berdi.

Guşlar bile oýanyp,

Zähmet bile tapyşdy.

Maňlaý saçyň tolkuny

Şor der bilen öpüşdi

Waharmanlaň ýalkymy,

Güneş bile çakyşdy.

Yşka düşen şöhleler,

Peliň ýolun torç etdi.

Ysgap-ysgap ýylmanak,

Gawunlara tor çekdi.

Biýaralar gulpaga,

Nur şöhleli gül çigip,

Gülüp bakýar güneşe,

Gaşyn kakýar güneşe,

Goçak çykan terneler,

Eräp akýar güneşe.

Gawunlara siňipdir,

Günüň mukaddesligi,

Mele mahmal zerdüwür,

Ýeriň pälipesligi.

Neneň onsoň türkmeniň,

Nur ýagmasyn ýüzünden.

Wysal  tapýar arzuwy,

Türkmensähraň düzünden.

Watanymyň goýnundan

Bölüp berip ýerini.

Perwerdigär seçipdir,

Zemin sary dürüni.

Şasenem gyz göz aýla,

Ballar akýan ýaýlaňa.

Desterhan ol göwnünde,

Şirin-nabat toýlana.

          ***

Atyz peller Watanyň,

Ruhunyň bir parçasy.

Bereketiň ýoluny

Altyn eller arçady.

Pasyllaryň ýaňagy,

Öwşün atýar ýaz bolup.

Topragymyň söýgüsi,

Çeşmeläp dur naz bolup.

                          Meger şonuň üçindir,

Hamraklygyň Käbe deý,

Mähir tapdym yşkyňdan,

Bakylygyň nämeden?!

Atalaryň uýdugy-

Durky sada topragym.

Eneleriň küýsegi

Didaryňda topragym.

Seniň ýeke düwrüňi,

Dözmen ýada topragym,

Asylzada topragym.

Seýran edýär “Uçýyldyz”,

Nura boýap Watany.

Süýjüligiň möwsümi

Jylawlaýar atyny.

Owaz alýar Waharman,

“Ýaldyragyň” ýaňyndan.

Öwüşgini  siňipdir,

“Uçýyldyzyň” daňyndan.

Kaksaň datly böwrüne,

Mukam çalar şirwany.

Datly şirin lezzeti,

Hassa janyň dermany.

Şirin zyban turkmeniň,

Nygmaty sen ezeli.

Aý parçasy-dilimiň,

Dessanlaryň gazaly.

Gaýmagyňda tenekar,

Röwşen günüň nury bar.

Süýjülikli  durmuşyň,

Daragtynyň bary bar.

Keşdeleriň syrydyr,

Ýşka düşen ýigidiň.

Tylla gupbaň saz çalýan,

Şelpesinden-çigidiň.

Hoş küýsegi göwünleň,

Şirin-nabat gawunym,

Saçadynda türkmeniň

Arşy nygmat gawunym.

Çaga-çuga höwesdir.

Seni ýygmak gawunym

Lebi gaýmak gawunym.

Uçmahy sen-tylladan,

Dür sen ýeriň döşüne.

Baksaň gözüň azaşar,

Älemgoşar öwşüne.

Gülabynyň gök, gara,

Gyzyl, sary, agy bar.

Garrygyz hem Aýnabat,

Tar-tarynyň gögi bar.

Ýaşaýyşa gözellik-

Egsilmejek bereket.

Çörek ýanap iýmeseň

Ganda lebiň erejek.

Gawun ýaryp kak diler,

Şirin-şeker küýsänler,

Şeýdip mähir çoguňa,

Gyş çoýunar daýhanlar.

Ýere bagtyn badanlar,

“Melhem” diýer,  “em” diýer,

Şerbetiňden dadanlar,

Gadryň biler adamlar.

Eşret içre gülleýär,

Babadaýhan yhlasy.

Şanyňa  toý toýlaýar,

Bereketli mekany,

Gadym Oguz atamyň

Agzybirlik mukamy,

Türkmenistan Watanym.

Bugdaý keremi

Iň Beýik Permany Beýik ýaşaýşyň:

Ynsana ömür hem rysgal beripdir.

Behişti bugdaýyň rähneti üçin,

Adam ykbalyny Ýere ýazypdyr.

Altyn sümmül bilen boý alan gerçek-

Alyn derin saçyp bagtyny tapan.

Toýda atyň çykdy-

Bagtyň ýalkady,

Janypkeş illeriň mesgeni Watan!

Duýgyňy joşduryp,

                       ýürege barýan,

Şygryň döreýşi deý mähriň gözünden.

Göwni tebigat deý sada

Gallaçy!

Çöregiň röwşeni ýagýar ýüzüňden.

Garagum goýnunda çoga eýlenip,

Dünýä mähir akýar bugdaý sözüňden.

                 ***

Beýik ýaşaýyşyň husny jemaly-

Bugdaý!

Watanymyň ezeli genji-

Ānewde şineläp,

                   Wasda kök urup

Kereme duş etdi Köneürgenji.

Bereket soltany-

Guşgursak dänäm!

Sensiz ýeke günem, dem almaz dünýä.

Seniň ýüregiňden syçran uçgun,

Ýşky-ataş bolup göreje siňýä.

Ýaşäýyş: Jan “diýip” seni saýlaýar,

Gudratly güýjüňden Zemin aýlanýar.

Bugdaýa sežd edip tapypdyr kuwwat ,

Gallaçy,

      topraga sygynan wagty,

Ir eýýäm açypdyr Babadaýhan Pir,

Dänäň jigerinde oýanan bagty,

Şo döwürden bäri gülleýär dünýäň,

Bugdaýdan görk alan nesil daragty.

Mukaddes ojakdan,

Ata Watandan,

Bir gün aýra düşen Watan gerçegi

Bugdaýym!

Nuruňy tutunýar hemra.

Nany ýüze sylyp gülleýän ýurduń, 

Beýiklik mukamy aýandyr hemmä.

Bugdaý keramaty-

dűnýäň keremi:

Ezeli güýç berýär ýürege, jana.

Bugdaýa jäht edip beýgelen serwer-

Asly Nazarkerde,

Sözi – dürdäne,

…Zemin ýaşaýşyna gözbaş bolup dur,

Jennetden inderlen  şo-ol ýeke däne.

                                      ***

Zähmetine werziş,

                      ezber daýhanyň

Gije-gündiz mähir bilen ýakany-

Meýdanda joş urýar durmuşyň yşky,

Duzuňa sadaga ata Watanym.

Ozalam ýüregi mukamly daýhan,

Ýene bagt lälesin kakýar pelleriň.

Watan gaznasyny galńadyp,

                                          besläp

Rysgala rysk goşýar altyn elleriň.

Zähmetkeş ynamyn ykrar eýläre,

Başlangyç bar,

              baş bar, Diýarym sende.

Uçsa guş göwnümiz gonanda läle,

Gerdeni sümmülli depeleriňde.

Akýar zähmet bagt bilen ulaşyp,

Akýar bugdaý sili wagt bile des-deň.

Mertebe bedewiň gelýär ýol aşyp,

Ak Ýeňşiň gelýär-

Bagryňa bassaň.

                ***

Ak Ýeňşiň gelýär-

Bagryňa bassaň.

Öýleri şagalaň-şatlyga besläp.

Nurly meýdanlarda her bogan dessäň,

Adamzat ähliniň köňlüne hossar.

Sümmül owazyndan başlanýar

                                        Ýaňy

Dünýä inenleriň ömür kyssasy.

Oguz hanyň ýüze sylan ak nany,

Nygmatlar içiniň naýbaşy-

Şasy.

Türkmen,

          saçagyna “bereket” diýýär,

Berekete “rysgal” diýýändir türkmen.                 

Pasyllar doklugyň gamyny iýýär,

Bakylyk gamyny iýýändir mertler.

Durmuşyň çarhyny dürsden dürs aýlap,

Ýaşaýyş dur,

Gaýratynda  daýhanyň.

Watana ýeňişden nur-jyga saýlap,

Tolkun atýar

Altyn çäçli meýdanym.

                  ***

Nana gadyr goýan,

Eý, nazarkerde,

Bugdaýda gözbaşly nuranalygyň.

Bugdaý halallyga,

               päklige sežde,

Onda sahawaty-

Jenneti bagyň.

Söýgi bilen,

            Duýgy bilen,

                             jan bilen,

Mätäji bagş etdi “Bugdaý” namasyn.

Berekete  togap eýläp eneler,

Huwwalaýar jan-jigeri balasyn.

Boýdan-başa keramatdyr,

                                   Keremdir,

Nana hormat-

                Watan, başyň amandyr!

Ýere bugdaý sepen Hydyr görendir,

Çünki,

       Bagt oňa nazar salandyr.

                    ***

Möwsüm döwri-

Ganatly deý, galkynyp,

Galla çekýär hatar-hatar kerwenler.

Gün dek ýanyp

Ak bagtyna sataşýar,

Bugdaý ekip,

Şan gazanyp ýörenler,

Diýaryma sarsmaz kuwwat berenler.

Her birisi gaýa ýaly harmanlar,

Ho-ol alysdan howalanýar dag deýin.

Sepgitleriň depesinde tugum bar,

Döwürleriň çür-başynda ruhum bar.

Bagtdan ýaňa ýaza dönýär gül göwün,

Ine, şeýdip şowhun bilen başlaýar,

Zähmetsöýer Watanym galla toýun.

Bereketiň özenidir ak bugdaý,

Çünki,

     Onuň bir dänesi müňleýär,

Bugdaý eken bolçulyga bolar ýar,                     

Gallaçynyň mertebesin göterip

Watan,

       nanyň hümmetine deňleýär.

Günden alyp bugdaý nanyň meňzini,

Watanymda bugdaý eken-

Gahryman,

Baýramyna pälwan ýaly dayhanyň,

Abraý alyp-

         Epeý ýöräp barşy bar.

Bir möwsümiň göteren şöhratyny

Asyrlaram gujak gerip garşylar.

Galla toýy!

Merdiň daban azaby,

Beýik günde öňe çykýar merdanlar.

Ýeňişlerden ynsan göwni suw içýär,

Bolçulyga girewdir mert gerdenler.

Öz-özi gelmeýär,

Ýok, berilmeýär,

Ýeňiş gazanylýar deriňi saçyp.

Ýaşaýyşyň tylla reňki görünýär,

Galla kerweniniň başyny çekip,

Ýeňişli sepgidi eýelän mertde,

Nur-bereket çogýar gallaly ýurtda.

Baky ot

Geçen urşy gerdeninde göterip,

Goja barýar ýüki orden-medally,

Ýeñşe çalşan birmahalky ýaşlygy,

Hem-de söwer dosty meýdanda galdy.

Köne esger ýatlamalañ astynda,

Ýegşeripdir,

Añynda  jeñ arlaýar,

Gözün açsa ak münberiñ üstünde,

Bagtly günleñ Ýeñiş tugy parlaýar.

Ala gelen ömrüñ jeñli bölegi.

Goýanok gününe,

Berenok uky.

Gowy ýeri  öñi berbat, soñy şat,

Ykbaly ýylgyrdy mañlaýyndaky.

Yruş  ýatlamasy köne esgeri,

Çekeläp oklaýar oda hem suwa,

Jeñden dolanmadyk söwer dostlary,

Meñzäp göwne dolýar, ir uçan guwa.

Esger kalby dutar,

                      bir perdesinde

Ýañlanýar nalasy  snarýadlaryñ,

Beýleki perdesi bize ýetirýär,

Diri ýananlaryñ eziz atlaryn.

Mertlige  öwrülen ýalynly menzil,

Añynda ýaşaýar goja esgeriñ.

Urşuñ  penjesinde solan ömürler,

Birsalym direliñ!

Bir dem Ses beriñ!

Sesleniñ!

Dem salym ene topragyñ,

Bir parçasy bolup doluñ Watana.

Balasyn yzlaýar bir ömür boýy,

Gözi ýolda galan  bitakat Ene,

Eneler garaşýar jigerbendiniñ,

Nowçaka ýygylanyna ynanyp bilmän,

Olaryñ  ýaryna  öwrülen mertlik,   

Henizem ýaşap ýör,

Ýaşaýar ölmän.

Uruş uruş bolýar,

Söweş meýdany,

Wagşylygy ýeñen mertligiñ ýeri.

O ýerde jan alyp, jan berýar esger.

Watan tugy üçin togalap seri.

Oka tutulsa-da mertlik ölmeýär,

Ölmeýär ol,

Gaýta jeñde berkeýär.

Ömrün girew edip geljegi  goran,

Gerçekleri öz yzyna tirkeýär.

Jeñde galdy,

ýürek gürsüldisinden,

Ýaşaýyş mukamyn düzen esgerler,

Nirde galdy,

jeñde al gany bilen,

Watan senasyny ýazan esgerler.

Ömür kitabynyñ Ýaşlyk babyny,

Jeñ, bilen başlady,

Jeñ bilen açdy.

Dolanmadyk esger söýgüli ýaryñ,

Ajy gözýaş bolup gözünden uçdy.

Umman ýaly çäksiz Watan duýgusy,

Gerçekleriñ ýureginde ýerleşdi.

Ýeňiş näme?!

Watana degjek güllä,

Ömür goýup, ykbalyñy germekmi?!

Ýurdy halas edip, Watan ugrunda,

Sönmez alaw  bolup jeñe çümmekmi?!

Men diýen ýigitkäñ, juwan orulyp,

Ömrüñi sowuryp,

ýere siňmekmi?!

Ýeñiş näme?!

Gahrymanlyk ojagy,

Ýow gününde – gara tümde ýakylan.

Ýat ülkede tazygan mert mazary,

Köýen umyt –dabanyndan asylan.

.

Ýeñiş näme?!

Naçar Enäñ gözýaşy,

Açylmadyk nowçasyndan aýrylan,

Ýetim ogluñ biwagt burulan boýny-

Güllemänkä, gaý-tupanda maýrylan. 

Ýeñiş näme?! 

Ýaşaýyşyñ dowamy,

Baky oduñ peltesini ýandyran.

Ýeñiş näme?!

 Jeñde galan batyrlañ,

Ömürleri- Uruş odun söndüren.

Unudylmaz ýürek gürsüldisinden

Ata Watan senasyny düzenler.

Ömürlerin gaýyk edip gaýlaryň

Ummanyndan ak daňlara ýüzenler.

Unudylmaz läle-reýhan güllere

Al ganyndan gyrmyzy reňk çaýanlar

Halallygyň,  ygraryň ar namysyň

Binýadyna gara başyn goýanlar.

Ata Watan dyza çöküp baş egýär

Togap edýär nämut giden janlara

Ýagty günde, jebislige uýan il,

Tagzym edýär milli Gahrymanlara.

Hergiz,  oýun edilmesin, adamlar,

Dünýäni eñreden wagşylyk bilen!

Bagtyýar günleri ýüze sylalyň,

Kalba röwşen bolan ýagşylyk bilen!

Bolmasyn!

.Hiç haçan Uruş bolmasyn!

Mukama beslensin durmuş asmany.

Dowam etsin dünýä birek-birege

Ter bägüller bilen gujak açmany.                 

Asuda howadan dem alsyn ýürek,

Zemine  Uruş däl,

Ynjalyk  gerek!

Ýeňiş senasy

Suw-sil,

Gök asmanyň gözi ümezläp,

Asman ýere ýagýar barlygy ýuwup,

Goja jeňi görýär,

Ýatlamalaryň                                                    

hasrat ummanyny gulaçlap ýüzüp,

Gojaň,

      ýatladykça kalby gamaşýar-

Bir ýanda ýoksullyk,

                           birinde uruş,

Açlyk gum sowurýar iki egninden.

Ýeňşe süýşülýär garyşma-garyş,

Däri ysy siňen otly meýdanda,

Heňňamyň hasaby bulaşdy gitdi,

Dört ýylda geçilen hupbatly menzil,

Kyrk ýyllyk azabyň yzyndan ýetdi.

Uruş süýrenýärdi töwerek-daşda,

Jansyz deý, ýeñseläp paý-u-pyýada. 

Haçan, nirden çykjakdygy belli däl,

Müñ kellä bölünen ýowuz dünýäde.

Ojak mähri,

            örkün çekip dursa-da,

oba-gara ýatlanyldy negada.

Ýagtylygy goradylar mert durup,

Güzeranyn aýlap duran penada.

Çünki, mertlik jeňdäki hem tyldaky,

Ykballary kökerdi bir maksada,

Bir gaýykda hallan atdy ömürler,

Biri jeňden, biri tyldan çyksa-da.

Oglanjyklar uruş-uruş oýnasa,

Gurjak goş oýnardy gyzlaryň bary,

Jeňe giden kakalaryň didaryn,

Düýşde görüp,

                 olar gijäniň ýary.

Ýola dikip garamyk deý gözlerin,

Çagalykdan uly pikre batanlar,

Ynandylar tutuş düýrmegi bilen,

Ynandylar haraý isläp Watandan.

Ine, şeýdip, menzilleri ret edip,

Bir bitewi gaýduwsyzlyk ýetişdi.

Oý-hyýaldyr, maksat bary birleşip,

Urşa garşy uruş bolup tutaşdy.

Iki front-

         birleşdi iki dünýä,

Bir Bitewi barlyk geldi kemala.

Ýowuz güni böwsüp geçen ýagtylyk,

Ýeňiş bilen girip gitdi senama.

Goja esger-

                Merdanalyk mekdebi,

„Jeňde galdy, mertler diýip” ezilýär.

Ýeňiş tugun ýaýanlaryň atlary,  

Watanymyň Taryhyna ýazylýar.

Nesiller jem,

Bu gün ilim bagtyyar,

Tagzym edýär Watan Gahrymanyna,

Mert kowmuny-Arkadagy saýlan il,

Aýdym aýdýar Beýik Ýeňşiň şanyna.

   Watanym — kasamym                        

Asman gülýär, güneş şugla salanda,

Zemin gülzar-erkini ýaz alanda.

Eýýamlara göç edende adamzat,

Şamçyragy-saýyrdyň aň-parasat.

Köke görä şaha ýaýradýar daragt,

Oguz kökli türkmen, ýaýrawyň gurat!

Jan-u-teni topragyna badaşan,

Şir demlileň dabarasy dag aşan.

Asyl türkmen Oguz ýoluna uýar,

“Serdarym-jan, Watanym-iman”- diýer.

Oguz hanyň adalatly kanuny,

Sap altyna öwrülen Hak taglymy.

Türkmen üçin açan ruhy dünýäsi,

Binasynda-sarsmaz ruhy binýady.

Ogullary tylla tagtly han çykan,

Dogum odun dünýäň gözünde ýakan.

Döwlet tapan agzybirlik ýolundan,

Gudrat görýär dünýä Oguz oglundan.

Deprek kakyp, nagra kakyp, naý çalyp,

Türkmen adyn göteripdir buýsanyp.

Zemin üste şalyk sürse adalat,

Ýer bagyrtlap, umma gaçýar jahalat.

Ýedi yklymy paýhasyna kökeren,

Oguz handyr jahalaty çökeren.

Ýeke-täkdir, Taňry diýip, Hak diýip,

Dana pähim Allaň birligne uýup.

Ýagşylyga çagyryp külli kowmun,

Ýaşaýyşa berýär joş bile şowhun.

Ser beripdir, ýowutmandyr duşmany,

Watan Ogzuň başynda täç- imany.

Şeýdip dünýäň şalygyny sürüpdir,

Döwletlilik binýadyny gurupdyr.

Jemlenipdir ýagşyzada aslymyz

Oguz handa parasadyň naýbaşy,

Bakylygyň gözbaşy.

Bu gün türkmen binasynda görünýär,

Oguz hanyň daglar deýin haýbaty.

Oguzlaryň ruhy bolup parlaýar,

 Ganatly zamanyň beýik baýdagy-

 Halkyň paýhasy.

             *      *      * 

“Ýagşylyklar bilen aýlanýar Zemin,

Ýagşylyk dürseýär durmuşyň demin.

Kim ýoluny gursa haýyr-yhsanyň,

Kim ýolunda dursa şeri gorsanyň,

Her daýym goraglar,

                             gözünden salmaz,

Ýagty gursagynda oturan Hudaý

Ýarydyr şol ynsanyň” –

Diýip asyrlaryň çuň jümmüşinden,

Türkmen beýikligniň başlangyjyndan,

Bize gönderip dur,

                     dädemiz Gorkut,

Jöwher pentlerini,

                             öwütlerini,

Susup alýas, dili doga senaly,

Weli atamyzyň sargytlaryny,

Garaşsyz Watanyň Kasam — ähtine,

Bitarap Watanyň sena – mährine,

Kök urup ornapdyr,

                        siňňin siňipdir,

Gorkut atamyzyň doga patasy,

Hakyň sedasy.

Garaşsyz döwletiň binýadyn tutan,

Bitaraplyk bilen dynçlygy utan,

Türkmen senasynyň sütün-özeni,

“Dünýä dursun sen dur Türkmenistanym!”

Dileg, dogasynyň parlak ýaňydyr,

Dili hak senaly Gorkut atanyň.

Şanyna şan bolup, ykrara gelen,

Garaşsyz, Bitarap-jahana dolan

Türkmen taryhynyň aňrybaşyndan,

Ybadat, tagzymdan göterlen goldur,

Ýagşylyklar bilen, gowluklar bilen,

Türkmen ýoly diyip gurlan ak ýoldur.

Binasy,

            binýady,

                       bendi,

                                 maýasy,

Gorkut dogasyndan ganan ak päldir,

Taňrynyň,

               Watanyň,

                            başda Serdaryň

Birligine  uýup gülen ykbaldyr.

                      *   *    *

Bili “Gökguşakly” — Çarbagly Watan,

Ýoly gül düşekli çar dagly Watan.

Eserdeň,

              namyşjaň,

                           merdem,

                                    başarjań,

Däli sil buýsançly arkaly Watan.

Birigen agzyny aşa ýetiren,

Mähriban Serdarly — sarpaly Watan.

Senden wepa alyp,

                        gaýrata galyp,

Mahmal topragyna öwşün bolýarys,

Durnaly güýzleriň paýhasyn alyp,

Nowşirwan daňlaryň sazyn çalýarys.

Dünýäm,

            ala-ýazym-

                         sensiň baharym,

Aklykdan ýasalmyş saba säheriň.

Iki dünýäm üzre ezizdir maňa,

Gülzara beslenen oba-şäheriň.

Aýdym bolup urýan ýürek sazyňa

Şeýdaýy heň düzüp öňe gideris.

Asman deý tolkunýan ýaşyl tuguňy,

Toprak deý ezizläp,

Maňlaýa sylyp,

Täze dogan aý deý togap ederis.

Sep-sep geçip barýar nurana ýyllar,

Nesillere goýup şan-şöhratyňy,

Ogullary bilen arkaly Watan,

Beýik zamananyň altyn ganaty,

Gerçek nesilleri sarpaly Watan.

Oňony Yanardag-

                         Täze türkmene,

Altyn Asyr bolan erteli Watan.

Pederleriň ygrar,

                   messebi Watan,

Keramat, gudratyň mesgeni Watan,

Ruhana taglymyň ojak-özeni,

Watanparazlygyň mekdebi Watan.

O mekdebi geçen,

                         Garaşsyzlygyň,

Altyn sütünlerne söýedir,

                                      söýe.

Beýgelen türkmeniň halal ýurdunyň,

Göwher topragyna,

                                 bereketine,

Döwlet-döwranyna eýedir,

                                         eýe.

O mekdebi geçen,

                         Bitaraplygyň,

Göwher ganatlarna  sarsmaz kuwwatdyr

Dosty dogan eden altyn ýüregi,

Hoşniýet,

              hoşmeýil-

                        pamyk deý akdyr.

Halkyna söýgüden ýasalan kalby,

Barly dünýäň baýlygyndan zyýatdyr.

Topragy mukaddes nurana Diýar,

Görüm-göreldesiň çar ýana Diýar.

Erkana nesiller eşret bulakly,

Gülgün ýazlaryňa perwana Diýar.

Başy jem türkmeniň başynyň täji-

Arka sen ilińe,

                    erkana Diýar.

Kök-damar-barlygym-

                       seniň barlygyň,

Sensiň nury-didäm, Ata Watanym.

Ýürek urup durka  ykbalym-ömrüm

Waspyňa senadyr-

Şudyr kasamym!

Türkmenistan – buýsanjym 

Öňde-soňda girýän bolsa bir millet,

Dünýäniň kalbyna gaýraty bilen.

Türkmenistan!

Buýsanmaga haklysyň,

Çünki sen edermen, merdem halklysyň.

Meňzäp halallykda Watan topragna,

Meňzäp Oguz hanyň altyn depregne,

Bireýýäm giripsiň dünýäň kükregne.

Şeýdaýy heň bilen joşduryp ruhuň,

Dünýäň ýüreginde nur bolup dursyň.

Atalaryň mähir siňen yhlasy,

Guran altyn binalaryň binýady.

Asyrlara alyp gider adyňy,

Dowamatyň- Altyn Asyr zurýady.

Seň daşyňda gurlan mähir galasy,

Her bir raýatyň kalbynda dörän.

Gursagyňda urýar  merdana ýürek-

Ýakymly owazy beýikdir örän,

Mähirden dörän.

Dana dünýä seň mähriňe çoýunýar,

Perzendinden mähir küýsän halaty.

Sen — kalplarýň ygtybarly ganaty.

Eziz Diýar!

Her ojakda çoguň bar,

Ýöne ýere döremändir Kasamym –

Lebizden, ygrardan, ähtdan ybarat.

Öz-özünden beýgelmändir Watanym-

Türkmenistan — keremiňe ybadat!

Ýoly aýra düşmez guran ýoluňdan,

Eziz Diýar!

Hatyrjem bol iliňden.

Geçen eýýamlaryň ýürek urgusyn,

Ýetmiş iki saza — bir heňe goşup,

Diýar aýdym aýdýar — 

Gülleýär göwün.

Tugrasy mukaddes Türkmenistanym,

Guwan,  eziz iliń bagtyna guwan!

Oguz gotazlary — kalbyňda zeriň.

Beýik Magtymguly – Ruhy Pederiň.

Asmanyňa sena bolup ýaýyldy,

Ýürekleriň alkyşlaýan owazy.

Türkmenistan!

Buýsanmaga haklysyň,

Sen Oguz han toýlarynyň dowamy.

Seniň mahmal nepesiňde terlener,

Ganatlanan kalbymyzyň howasy.

Aňsat däl, şir bolup gaýadan bökmek,

Aňsat däl, kerweniň başyny çekmek.

Daglara çykmazlyk — peleň işi däl,

Ner ýükün çekmedik – kerwenbaşy däl,

Türkmenistan!

Buýsanmaga haklysyň,

Sen ykbaly goşa çüwen bagtlysyň,

Paýhasyň üstünde adalat guran,

Tylla tagtlysyň.

Mertebäňe şärik bolan oguzlar,

Seni gorap gerçeklige ýetişdi.

Görogludan pata alan ogullar,

Ojagyňda ataş bolup tutaşdy.

Atdyň labyryňy  Altyn eýýama,

Gulaçlap taryhyň ulgamlaryny.

Başyňa sanjylan mertebe jygaň,

Üstümizden guýýar ylham zerini.

Ýalbyrap otyrsyň zer gupba geýip,

Bu gün göwni gidýär saňa älemiň.

Sen Erem bagynyň törinde biten,

Şöhlesi zerewşan gülgün lälemiň?!

Türkmenistan!

Buýsanmaga haklysyň,

Bireýýäm giripsiň dünýäň kalbyna,

Başda tugy saýyp Çandybiliňi,

Beýgelen ruhuňy deňäp altyna,

Görejine deňäp eziz ilini

Üstüňde kökenek gerýär her daýym,

Eziz Diýarym.

Taryhy pursatlar Täze dünýäniň,

Nury-enwerini ýürege  ýazýar.

Älemgoşar bolup kalbyňa inen,

Bu gudrat,

           bu kerem-

                       bu Hakdan nazar.

Aýandyr ýürege,

Aýandyr beýnä.

Ýaňy dogan Aýyň köňül çyragy,

Ýaýrandyr dünýä.

Bu gün sen dünýäniň öňünde durup.

Hödür kerem edýäň  tagam-duzuňy.

Mertebe dagynyń gerşine çykyp,

Türkmen iliň tanady öz-özüni.

Türkmenistan!

Buýsanmaga haklysyň.

Älemiň kalbyna nursuň, ýagtysyň.

Beýik Pederleriň paýhasy bilen,

Sen ýazyp otyrsyň Ömürnamaňy.

“Serwerler içiniň serweri”-diýip,

Göterdiń  alymy,

bilgir danany. 

Oguz Han buýsançly-gunduz telpekli-

Agar çäkmeniňi ýelbegeý atyp,

Sen lowurdap dursuň dünýäň öňünde,

Kalbyňdan kalbyna muhabbet gatyp.

Bilbiller mekany läle-reýhanym-

Katdyň Gözelligiň tuguna meňzeş.

Pähimiň — göwhere,

                      aňyň — jöwhere,

Roýuň imanyň  nuruna meňzeş.

Türkmenistan!

Zähmetsöýer iliň bar,

Toýdan toýa, ýazdan ýaza ulaşan.

Saňa uýan bagtdan ät galmaýar.

Ak sabanyň sergininde illeriň,

Tebigatyň alkyşyny diňleýär.

Akar suwuň aýdymyna mukam sen.

Gyrmyzy donly,

Gök guşakly  ülkäm sen.

Aşyklaň kalby deý nagmasy bilen,

Muhabbet ýagdyrýar bagtly asmanyň.

Nesiller jem bolup Sena okasa,

Men ýürek sazyňa gulak asýaryn —

Seň ýüregiň sesi Oguz nesliniň,

Zybanyndan çykýar hoş owaz bolup

Şol owaz,

          şol mukam,

                        Şol Beýik Aýdym,

Äleme görk berýär  ala-ýaz bolup.

Oňa atalaryň buýsanjy siňdi,

Dünýä dursa durar-

Baky aýdylar.

Oňa eneleriň mährinden dörän,

Siňdi yhlas bilen näzik hüwdüler.

Bagt ýyldyzy bolup asmana galdyň,

Garaşsyz örküňi Zemine baglap.

Dünýäni nazarlan Bitarap şugla,

Gözümiz nurlandy saňa bil baglap.

Sen miwe eçilýän miweli daragt,

Seniň bereketiň Eşret bilen Bagt.

Türkmenistan!

Buýsanmaga haklysyň,

Tylla Günüň Ýere düşen parçasy-

Adalatyň baky röwşen ertesi.

Taňry seni penasynda saklasyn!

Gözel Ruhnama

                    I.

Ýedi harp,

          Ýedi ses,

                    Tükenmez owaz,

Sütüni,

         Söýesi,

                   Binýady name ?!

Köňlüňe — kanagat,

                     ýoluňa — dowam

Bu eziz Kelamyň dünýäsi name ?!

Asyrlaň soragy,

                   Bagtyň küýsegi-

Durmuşy salgy biýr gyssanan kese.

Ýyllaryň  geregi,

                       Wagtyň goragy

Ömürleri beslän hoşnut höwese.

Her jümle sogapdan-

                      nurdan püre-pür,

Hakyň sahawaty bibaha, nyrhsyz.

Gunt deý pähim söýlär welilik bilen-

Gudratyň öňünde ýürek öz erksiz.

Iň täze eýýamy mübärekleýän,

Ýagty sabalaryň ýollan salamy.

Dünýä bilen dörän Peder ýoluny

Beýgelden Serdaryň köňül kelamy-

Dury kalp,

                Erkin ýol,

                           Aý-aýdyň dünýä. 

Asan edýär müşgil sowallaryňy.

Elden-ele geçip,

                       her saba, her daň

Täzeleýär kalbyň owazlaryny.

Ālem sesin goşýar mährem owaza,

Galkynýar dünýäniň  mysapyr kalby.

Arşy beýikligiň ýalňyz ýoluna

Mukaddes Ruhnama  nurana salgy.          

                    II.

Säher çagy guşlar bile galkynan,

Oba, şäher hoş owaza oýanýar.

Metjitde ak azan,

Radioda,

Mukaddes Ruhnamam-

Danam okalýar.

Göwün tugy bu galkynan illeriň,

Pasyrdaýar  erkinligiň badyndan.

Sadalygyň baky ýürek ýarany, 

Başyn egýär Halka Hakyň adyndan.

Her ak saba –

Haktagallaň salamy.

Ýola düşýär haýyr, sogaby  bilen.

Oguz Ruhy Bahar bolup parlaýar,

Garagumy hem Köpetdagy bilen.

Wysala ýetişdi küýsegli ýyllar,

Eý, dünýäsi abat,

Jemaly gözel.

Çeşmi — abuhaýýat,

Āheňi — gazal

Şaýoluňa düşdi saňa maýyllar.

Aýdym aýdýar Asman Zemin arasy-

Şowhun içre ajap nama öwrülip.

Tebigatym  saýrap otyr hoşzyban

Gül göwünli ynsan bilen höwrügip.

Bagt ýoly-

Şa kalbynyň gaýmagy,

Ylhamyňda yşkdan dörän uçgun bar.

Ýüpek ýaly duýgularyň badynda,

Dag silinden gözbaş alan göçgün bar.

                      III.

Mukaddes Ruhnama özüň özüňi

Tanap biler ýaly ylahy aýna.

Didäňden ýer tapýar geçmişiň gözi,

Şu günüň  paýhasy ýaň salýar beýnä.

Kalbynyň ynanjyn saçak deý ýazyp

Okana görünýär paýhasyň güýji.

Daglar başy gökde-

Çuňluklar özün

Saýýar juwan dünýäň 

Beýik  buýsanjy.

Saýlap-seçip jümleleriň ajabyn,

Waspyň etsin, ozan bilen bagşylar.

Ýerde — ynsan,

Gökde sadyk melekler,

Seň ýoluňa

Ýalňyz başyn  bagyşlar.

                       IV.

Duýgular mekany  Gözel Ruhnamam

Ýene-de kosmosyň gerşine çykdy.

Beýik Türkmenbaşyň Beýik taglymy,

Ynsanperwerligiň ak ýoly bilen

Galkynan Dünýäniň golundan çekdi.

Alem aýak basýar hoşniýet dünýäň

Doganlyk köşgüniň bosagasyna.

Täsin owaz bilen  seslenen Diwan

Hak-haýyr ýolunyň sahawat zerin

Sepeleýär bagtyň otagasyna.                                                    

Gündogar, Gündogar,

Gadym Gündogar,

Sen ýene-de  Altyn Gün bolup dogduň.

Dünýä seniň haýranyňdy hemişe

Türkmen ogluň açdy altyn göwejiň-

Dünýäň  ýüregine nur  bolup ýagdyň.

Seni bir gez,  ýok,

Asmana  goterdi

Türkmen ýoly-

Gursaklaryň päkligi.

Gözbaşynda Beýik Adalat duran

Bagt ýoly-

Taňryň ýeke-täkligi.

Gündogar, Gündogar,

Gadym Gündogar,

Çar tarapyň gol uzadýar, hyrydar

Ruhnamany öwrüp ene diline

Ýakynlaryň türkmeniňe dost boljak,

Oguz  ýoly — mertebesi türkmeniň,

Dünýä bilen doganlaşýar Gül Diýar.           

                     V.

Bagt ýoly abadan–

Ugry mertleriñ,

Mukaddes Ruhnama ylahy owaz!

Watan aýdymlary  beýik türkmeniň

Nurly ýüregiňe siňen bahar-yaz.

Şahyry,

         bagşysy Bitarap halkyň

Ylham çeşmesine eňek basandyr.

Arşy sahawatyň altyn açaryn

Zeminde türkmenler boýna asandyr!       

Arzylaýar ýörelgesin türkmeniň,

Goş düşürýär ýakasynda, bir okan.

Jadylaýjy söhbetine erk beren

Başyn egýär:

“Allam,

Bu niçik mukam!”

Göýä ak asmanyň ýüregi ýaly

Açýar Dana dünýä penjiresini.

Ruhubelentligiň duýgy-hyýaly,

Kalbyňda lowladýar yşk çyrasyny.

Daglar,

meger, beýiklige galandyr,

Asmanyň synyna başyny oýkap.

Beýgelip ýör,

Ādim, adim beýgelýär

Türkmenler bu beýik dünýäni okap.

Bilýäňizmi?!

Dünýäsine Hoşlugyň,

Owaz içre Beýik Alham gelýändir.

“Dilin tapsaň” kalbyňdaky boşlugyň

Ýylanyň zähri-de melhem bolýandyr,

Ruhnama dünýäniň kalbyna guýlan,

Mukaddes owazyň goşa ganaty.

Altyn köpri gurýar göwünden göwne

Diwanlar içiniň Beýik Danasy.

Bu goja Zeminiň kalby päklendi

Mundan zyýat  görki barmy barlygyň ?!

Mukaddes Ruhnama altyn halkasy

Ynsany beýgeldýän bagtyýarlygyň.             

                   VI.

Ýörelge  kän,

Ýol kän  gowudan gowy,

Biri saga, biri sola äkidýär.

Ruhnamanyň hoşniýetli dünýäsi

Bagta  barýan ajap ýola äkidýär.

Heňi kändir,

Ýüregiňden geçirseň-

Dünýä ýatyr gatlarynyň  içinde.

Agtyjagnyň başyn sypap,

“Hä” berip

Okadýandyr ýäşy ýüzden geçen-de.

Soňy bardyr ýyldyrymyň ýaňynyň,

Ýagyşdan soň älemgoşar görünýär.

Türkmenbaşyň ynsanperwer ýoluna

Ak dünýäniň ýüreginde orun bar.

Şaglawuklar dag serinde ýer eden

Beýiklikden çuňa sary eňýändir.

Watan odun gursagynda köreden

Ýüreklerde ýürek bolup urýandyr.

Döwletimiz ak dünýäniň ak guwy,

Dumly-duşa telwasy bar, galkynyp.

Jülgesinde,

       deresinde,

                        çaýynda

Kalby ýatyr Beýik türkmen halkynyň.

Duýmak lazym!

                  Gadymýetiň ýaňyny,

Durkuň bilen berlip, düşünmek lazym.

Diňe Taňryň,

           Hakyň sulhy ýa;rany

Ýazyp biler dünýäň Dana kitabyn.

Ýörelge  kän,

Ýol kän  gowudan gowy,

Daga siňýär gayalaryň owazy.

Ynsan ählin bir agyza jemleýän

Ruhnamadyr

Hak ýolunyň diwany.

                 Geňeş

                    I.

Ak sabanyň  aklygyna meýmiräp,

Gün dogýar älemi ýylatmak üçin.

Ýagşylyga köňül berýär Prezident,

Türkmeni dünýäde  beýgeltmek üçin.

Beýik Maslahaty,

Geňeşi bilen,

Daşyna jemleýär ulus-ilini.

Diňe bir türkmen däl,

Tutuş dünýäniň,

Gadamyna ýazýar  ýürek ýoluny.

Gadym Oguz däbi aýaga galyp,

Söz açýar ajaýyp matlaplaryndan.

Pähim döwresinde döwranly iller,

Dolup dur Diýaryň etraplaryndan.

Ebedi türkmeniň  başyn jemleýär

Beýik Watan bilen il Arkadagy.

Mertebe tagtyna goterilen il

Tylla Gün deňinde çoýýar  Diýary.

Ene Ýer lälezar,

Halkyň ümzügi,

Daňlaryň altynsow şapagyn açýar.

Aýdymy ýürekde gaýnaýan iliň

Baýdagy gursakda parlaýan iliň

Çeşminde ak güneş dünýä nur saçýar.

Prezident jar edýär  Halk maslahaty —

Açyldy geljege ýeňşiň gatlary.

Agzybirlik, dost-doganlyk senaly

Türkmen-

Juwan dünýäň göwün  matlaby.

Prezident geňeşýär Halkyna uýup,

Watana sygynyp, ili oňlaýar,

Peder ýolun tutan bagtyýar iliň

Göwün owazyny dünýä diňleýär.

                    II.

Prezident geňeşýär,

Geňeşip derhal,

Maslahat tutar ol ulus-il bile               

Kasamym — dogadyr,

Āhtdir — Watanym,

Peder sargytlary senadyr dile.

Didarlar ne ajap,

Begençden doly,

Mähir bolup akýar zybandan sözler.

Şatlygyn, buýsanjyn paýlady ile,

Watan yhlasyndan nur alan  gözler.

Ýedi ölçenilýär  işleriň taby,

Bada orta çykýar ynamyň güýji.

Ýüregi saýradýan  durmuşyň dady-

Zybanda gaýnaýan asaldan süýji. 

Baý biz,

Dünýäň baýlarynyň baryndan!

Çünki, ruhumyz baý gençden — gaznadan.

Waspyňa söz ýetmez, Türkmenistanym,

Köñül pel-pelleýär waspyň ýazmadan.

Çeşmeler — derýanyň,

Ýodalar — ýoluň,

Başlangyç gözbaşy,

Beýiklik güýji.

Maslahatly däbi   ýörelge eden.                

Döwletli Diýarym — Edebiň täji.

                  III.

Melul bolup ýerde dörän gudrata,

Goja daglar Gün nuruna çoýunýar.

Guwan, Watan!

Täze türkmen kowmuňa,

Adyllygyň ýer ýüzüne ýaýylýar.

Eziz Watan!

Gursaklaryň ýagtysy-

Belent ruhuň dünýämize seždedir.

Halal ýaşap,

Halal işläp,

Beg ýaly

Türkmen bolup ýaşamaklyk serdedir.  

Il pähimi-

Joşgun, umman,

Daglardan

Gözbaş bolup gaýdýar güýçli sil bolup.

Şoň üçinem,

Oguz kowmy iş tutsa,

Öňi bilen Geňeşilýär il bolup.

Türkmen mydam ulusyny sylaýar-

Ýaşulusy–

Beýigi hem danasy.

Oguz hanly, Seljuk begli türkmeniň,

Sylaşykdyr,

Ýaşaýşynyň manysy.

Sala salýar Prezident iline!

Bu zatlaryň aňyrsynda beglik bar.

Pähimiň hem

Pendiň birleşiginde,

Bize abadanlyk, agzybirlik ýar.

                     IV.

Beýik Edep,

Beýik Mekdep –

Maslahat-

Oguz handan miras galan ýoldur bu.

Arş üstünde ýalňyz Taňrysyndan soň,

Bir Watana köňül  baglan  ildir bu.

Watan!

Yklym haýran,

Göge galşyňa,

Jebis ilin Alladandyr arkasy.

„Türkmenistan-Halk döwleti”- bu jümle,

Prezidentiň zerläp ýazan sarpasy.

Dag ummanyň,

Umman dagyň gaşynda-

Lagly-merjen göwünlerden gözlenýär.

Hoş niýetler äkidilýär ileri-

Söhbetlerde il ykbaly çözlenýär.

Ata Watan!

Çakylygňa seslenip,        

Dogan gelýär „Watan” diýip çar ýandan.

Demokratiýanyň  ajap  nusgasyn

Görýär dünýä Adalatly Diýardan!

Açyk kalply,

Açyk işikli türkmen,

Dideleri uçgun- yşykly türkmen

Müňýyllygyň Baş paýhasy golunda-

Ýeňişlere ýüzi düşükli turkmen.

Maslahatlar-

Ulus-iliñ ynamy,

Bahar bolup gursaklary gülleden.

Maslahatlar-

Ruhubelent türkmeni-

Agzybir,

Eşretli,

Gözel il eden.

Şeýle bolýar,

Adyllygyň tagtynda,

Paýhas öňe gidýär,

               paýhas saýlanýar.

Susup,susup,

Baýlykdan baý baýlygy

Ynsan kalby orun berip paýhasa,

Arşyň kürsüň,-

On sekiz müň Alemiň,

Dünýäsinde  salyk sürýär,

Aýlanýar. 

Geňeş,

Maslahatdan paýhasy, ýeňşi,

Onda tutuş iliň bagty jemlenen.

Ýaşaýyşyň adalatly mizany,

Öňe çykyp,

Ynsap, kanagat bile,

Ynsaba hem halallyga deňlener.

Maslahatlar-

Halkyň ynamy-güýji,

Söz-Halkyňky,

Peder  pendi serinde.

Beýik Watan rowaçlyga ýol aldy:

Gül Watan – Eremde,

Durmuş – keremde!

Buýsançnama

Ynanýas,

Asmanyň baky şalygnyň

Gündiz tylla Güneş,

Gije Aýdygna.

Bagta meňzeş,

Ümmülmez giň Ālemiň,

Köňülleriň asudalyk çyragy-

Beýik Enäň perzendine mährinden

Dörän näzik hüwdülere taýdygna

Söýenýäs,

Watanyň nurundan dörän

Mertebe dagynyň howalasyna.

Bagtyýarlyk  Mukamyna eýlenen

Erkana göwünleň owazasyna

Goý, bu dünýä owaz bolsun durşuna

Gursagyna-

Hoş owazly heň boluň

Sabalary al şapaga besleýän

Süýtden aýdyň-

Mukam doly daň boluň.

Diýsinler; “ Bu Watan,

Bu toprak,

Bu yurt,

Başy egilmejek mertleň mesgeni.

Asman atlarynyň ganatlarynda

Ýel bolup çyrpynýan berkleň mesgeni.

Oguz eýýamynda ýedi yklymy

Özüne bent eden erkleň mesgeni.

Yşk bolup ýaýraýar

Dünýäň süňňüne

Watan ýüreginiň mähir bossany.

Köňüllerde saýrar,

Bal deý jümleler,

Belende göterýär ruhy hassany.

Ýurt topragy!

Didäň içre görejiň,

Köňüllerde gözel oba-kentdendir.

Bereketiň rysgal bolup ýagmasy

Yrylmaz döwletdir–

Eşretdendir.

Gül Watanyň kuwwatyny,

          güýjüni.

Deñäp ummalara çykýan sallara.,

Aýdymyndan şypa tapyp,

Melhem deý

Sabalarda düşýäs aýdyň ýollara.

Buýsanýas!

Watanyň ýedi arkasy.

Bize pata berip golun göterýär.

Yranmaz döwleti owuz süýdi deý,

Päklige,

Aklyga dolap getirýär,

Kalbymyzdan çykýan Watan aýdymyn

Asmanda melekler diňläp oturýar.     

      ***

Gök ýere seredýär,

Dünýä enaýy!

Ādimler ädilýär asmana sary.

Hak sözüň hossary,

Göwün penasy-

Beýik Serdar kalby-Watan didary.

Polat ýollar dönüp polat gaýrata,

Bagt deý ak ýollar dünýä uzaýar.

Durmuşyň şowhuny Täze eýýamyň

Hoş-sapaly dünýäsini bezeýär.

Günleriň şuglasy-

“Ülkeriň” nury,

Köňüllerde bökjekleýär,

Hoş günde.

Aýna kimin dury

Sagdynlyk tugy–

Bagtyýar döwranyñ Buzly köşgünde!               

Ylham dünýäsini gulaçlan durna,

Gülzarly goýnuñda gözel görünýär.

                          Dostlugyñ nusgasy Türkmenistanym,

Ak guwlar yşkyňa heserläp inýär.

Ynha, tapyşyp dur gök asman bilen,

Ümmülmez ummanyň  sahawat mähri.

Bu döwür,

Bu Zaman beýik türkmeniñ

Rowaçlyk dünýäli

Adamzat ähli.

Seýl etdirip jülgeleri, gollary,

Uçurar urganly asma ýollary.

Baş egersiň dag ruhuna,

Pähim edip,

Zeminden asmana deňlener egniň.

Gök gümmeze uzan  beýikliginde

Göýä dag siline eýlener dogmuň.

Mähriban paýtagtyň merjen köşkleri

Hatar-hatar,

Ýeke düre jemlenýär.

Köňülde döredýär belent yşklary,

Akmaýaň ýoly deý bu Saglyk ýoly

Ertekä çalymdaş bezemen dünýäň,

Hanasyndan inip,

Kalbyňy ýuwýan              

Ak arzuw deý aýdyň,

Eziz görünýär

                      ***

Torgaýly  sähralar,

Peleňli daglar,                

Bu gün mahmal dona dolap synasyn,

Bereket suprasy-

Bugdaýly peller

Harmana akdyryp maňyz — dänesin

Āleme jar edýär Beýik eýýamyň,

Dünýäniň manysy-

Taglymatyny

Türkmen topragyny  gülledip her gün

Behişde öwürýär her bir gatyny.

Ālem ýüze sylýar bagt eserin

Goýazy pent bilen galňadyp serin

Mukaddes Ruhnama-

Köňül serpaýyn.

Bagyş edýär baky abyköwserin.

Garaşsyzlyk şuglasynyñ astynda,

Ata Watan tug parladýar galkynyp.

Söýene bagt,

                          Söýenene — tagt bolýar,

                          Dostanalyk ýoly bilen ýalkanyp.

Ālem öwşün atýar ýazyň goýnunda-

Töwerek özgerýär,

Toprak gülleýär.

Depäňden nur guýýan ýyldyzlar kibi             

Her güni toý-baýram,

Şagalañ Diýar.

                             Asman ýaly tolkun atýan deňiziň,

Belent mukamlary dagda ýaňlanýar.

Juwan jülgeleriň döşünden çogan

Çeşmäniň alkyşy-

Serhowuzlara

Birgeňsi näz edip  başyn daraýan

Leýlisaç, serwili  bagda diňlenýär.

Bossanlarda bagtyýarlyk aýdymy,

Gözellik älemin berip dur salgy.

Ylham baharynyň owazlaryna,

Belent sesin goşýar türkmeniñ kalby.

             ***

Guwanýas!

Dünýäniñ nazary sende

Ygtybarly ýollar maksadyñ seniñ.

Bir başa daýanyp ata mülküñde,

Ajap eýýam gurýañ,

Beýgel türkmenim!

Beýik taslamalar,

Beýik tutumlar,

Ālemiň tükenmez ýollaryn guçýar.

Allaň nazarynda adamzat üçin,

Geljegiň ynamly gapysyn açýar.

Giden älem içre

Bakylyk bolup,

Türkmen ykbalynyň dönýär bagtyna,

Wysal şalygynyň juwanlygynda,

Adamy çykarýar belent tagtyna.

Ol nazar,

Ajaýyp keremli nazar,

Parlak bakylygyň Ruhun göterýär,

Ol älemiň ähli gözelligini,

Dartyp,

Dartyp şu Zemine getirýär.

Allaň nazarynda nazarly Diýar,

Nazarlaýar müňýyllyklaň menzilin.

Altyn eýýam şuglasyna öwürýär,

Watanyň,

Türkmeniň ajap meňzini.

Garaşsyzlyk binasynyň jygasy,

Lowurdaýar şol nazaryň nuruna.

Erkinligiň şuglasyny ýollaýar,

Nurly türkmen ynsanlaryň baryna!

Daýhan  dünýäsi

Ýere köňül beren –

                              Watan perzendi,

Topraga söýenip kanagat tapýar.

Daýhanyň yhlasy düre öwrülip

Türkmeniň bereket kölüne akýar.

Topragyň  keremi-

              Watana şöhrat,

Ykbala gurbatdyr sahawat, käni.

Döwletli Diýara rähnet ýagdyryp,           

Bagtyýar eýleýär erkli daýhany.

“Daýhan mert-

Ýer jomart”-

Bu-da atalaň

Aňymyza guýan paýhas gerimi.

Zähmetde taplanan,

                     hem berdaşlanan,            

Janypkeş göterýär Ýeriň zerini.

Ýerden ýakym alyp,

                  Günden görklenen,

Bugdaý sünbülleri ygşyl-da ygşyl.

Toprak genji bilen adygan daýhan,

Ýeriň hümmetini Watana gowşür!

Meýdanyňa çykan,

                  bagtyny gözläp-

Daýhanyň aýdymy toprak barada.

Telpegňi göge zyň,

Nurana  Diýar,

Gudratyň aýylýar asman arada,

                    ***

Ýaşaýyş dogulýar Ene toprakdan,

Sümmüliň guşgursak dänesin saýlan.

Nurly gijelere altyn aý berip,

Günüň degresinden Zemini aýlan.

Gaýratdyr Diýaryň tylla topragy-

Beýik ykballary Jahana  beren.

Watanyň üstünden köwsarlan şemal

Zemin gursagynda oýanan kerem.

Otur-da pikir et,

Aňyňda aýla!

Nämüçin Watanyň topragy eziz.

Özüni bilenler şu güne deňiç,

Topraga ikilik edenok heniz.

Adamlar topraga “Ene”- diýýärler,

Sebäp topragymyň mähri ak süýtdir.

Ogul bolmak üçin oňa mynasyp,

Uly ýürek gerek,

                     gor gerek düýpsiz. 

Asyl-ha,

           topragy söýmez ýalymy,

Sežd etmez ýalymy oňa adamzat.

Toprakdan ýasaldyň!

                    Onki süňňüňi,

Oňa sazlap bilseň,

Ýaşamak aňsat.

Çünki, keramatly Ene topragym,

Adamzat aslyny göteren  tagtdyr.

Paýhasyna uýup,

                      Duzuny iýip,

Ruhuna sežd edip ýaşamak  bagtdyr.

                 ***

Mahmal howa bilen,

                 kümüş suw bilen,

Ýuwulan meýdanda rysgal gögerýär.

Göýä,   joşan asman ýere labyryn,

Atypdyr,

Bu görnüş ruhuň göterýär.

Mum-helim eredip,

Talhana dönen,

Ýeriň jigerine bereket sepýär.

Ýol  ýakalaryna,

                 baýyr, düzlere

Daýhan,

       mahre garyp yhlasyn ekýär.

Daýhan eli pilli pelesaň urýar-

Suwarýar,

          otaýar,

                   serenjam berýär.

Pelleriň arasyn torç edip,

                                 her dem,

Maýsalan genjini mähre gandyrýar.  

Mähir berseň-

Wepa berýär bu toprak,

Ýüregiňi okabilýär bu toprak, 

Gabarçakly gollaryny çyzgana

Eşret bilen sapa berýär bu toprak.

                  ***

Her halkyň ykbaly Ýerine kybap,

Ruhuna kybap  topragnyň  meňzi.

Pasyllaň mährinden meýmirän meýdan,

Sen, göze ýakymly-

Bereket deňzi.

Ýere tohum sepýär,

                  Nahal, bag  ekýär-

Maksatlar gülleýär  bagtly  gursakda.

Umytly daýhanyň  göwnüniň şady,

Oň ömür dessany-

Keremiň hakda.

Gyş diýmän,

           ýaz diýmän,

                   ýadaman-irmän,

Ýere jan çekeniň durmuşy şirin.

Türkmeniň göwnüne ýaz bolup ornan

Mukamlar başydyr hüwdüsi Ýeriň.

Bagty özüň gazan-

                    Beýgeljek bolsaň,

Zähmet – eşretlere ýetirýän melhem!

Hereket bilendir menzile ýetmek,

Kesewi  gülleýär-

Derleseň her dem.

Watan bolsun!

Ýürekdeşiň,

Syrdaşyň. 

Zerewşana öwür toprak-tozuny.

Ýüregiňde gaýnap-joşar sahawat,

Topragyňdan alan bolsaň duzuňy,

                     ***

Umytdan,

       Gözýäşdan,

                     wepadan dörän-

Toprak- pederleriň kanagat, sabry.

Daş düşmezlik üçin Beýik Taňrydan-

Ýürek salamy deý gyzgyndyr howry.

Bu topragyň asal deýin dady bar-

Hakykatyň süýjüligne meňzeýän.

Zähmetine daýananlar buýsanyp,

Hasyl toýda hasabyny jemleýär.

Agzybirlik şuglasynyň astynda,

Diýarymda zähmet çeken-

                                   bagtyýar.

Alyn derin mähri bilen eýleýän

Daýhan göwnün gülledýär-

                         Erk-ygtyýar.

Bir zat aýan:

Bu barlygyň kanuny,

Perzendine ömür berýär Ene ýer.

Pellerinden döwlet tapan daýhanyň,

Göwni-aýdym,

Nurly kalby –Güne zer.

            ***

Daýhany goldaýar,

                  hemaýat edýär,

Bugdaýyň mekany berkarar Diýar.

“Gaýrat” medalyna,

                     şa serpaýyna,

Guwanyp, buýsanýar obaly mülkdar,

Nurly Diýarymyň tutumlary kän,

Pirli topragymy götermek hakda.

Kuwwatly tehnika daýhan yhlasyn,

Myrada ýetirýär bagtyýarlykda.

Daýhan ynamyndan bagty açylan

Topragymyň haly-

                      Halkyň tabydyr.

Göwherli gämikler ýylgyryp çyksa

Behişt gapysyny açan ýalydyr.

Aý-ýyldyzly baýdagymdan täç dakan

Traktorlar bezeg berýär atyza.

Babadaýhan gollaryny çyzgasa,

Nur-bereket ýagyberýär pasyla.

Mülkdar, kärendeçi-

                      ýeriň hossary-

Toprak der dökene,

                      Hasyl eçilýär.

Toprak-

Atalaryň göwün didary-

Onda ýaşaýyşyň güli açylýar.

Diýaryň  saglyk  ýoly

Gudrat bolup beýiklige ýol açan,

Kelam eken,

             Diýaryň saglyk ýoly.

Göwünleriň nury bolup tutaşan,

Salam eken,

               Diýaryň saglyk ýoly.

Gurbany men,

                 dag ýolunyň gurbany,

Bu jennetdir-

                    görmedige-armany.

Garaşsyzlyk mukamynyň şirwany-

Dutar eken,                                       

               Diýaryň saglyk ýoly.

Jülgeleriń gujagynda ýer eden.

Argynlygy şowhun bilen ereden,

Erteki deý  ýaşaýyşy jar eden-

„Bir bar eken…” ,

                    Diýaryň saglyk ýoly.

Talyp, daýhan, çopan … barýar üstünden,

Saglyk-beglik  tapan barýar üstünden.

Merdemleri aýagynyň sesinden

Tanar eken,

                Diýaryň  saglyk ýoly.

Göýä akym bat beripdir kürege.

Ýüzler meňzeş derläp duran çörege,

Galkynyşyń kyssasyny ýürege

Ýazar eken,

               Diýaryň  saglyk ýoly.

Göterilse  erkin göwün şalygy,

Awazanyň çarlaklary ýalymy?!

Jebisligiň mesgeninden Āleme,

Yglan eken,

                Diýaryň saglyk ýoly.

Ak urba dey,

                  bezäp dagyň alnyny,

Peşgeş edýär ynsana jan saglygy,

Galkynmaga külli türkmen halkyny

Jemlär eken,

                Diýaryň saglyk ýoly.

Kenarlary meňzeş dutar kirşine.

Älem haýran göge akyp barşyna,

Menzilleri kümüş argaç-erşine,

Dolar eken,

                  Diýaryň saglyk ýoly.

Meger,  munda,

                   göçgün ruhy  baharyń,

Ýaz keýpine köńül göçýär ahyryn.

Galkynyşyń waspyn söýle,  şahyrym-

Ylham eken,

              Diýaryň saglyk ýoly.

Habar alyň, mähelläň sep-sepinden,

Ýańlanyşy  bilbilgöýäň sesinden,    

Hekimleriň göze sürten çöpünden,

Melhem eken,

                   Diýaryň saglyk ýoly.

Ýöräberseń, uzap barýar menzile,

Yhlas etseń, gadam urar seń bile.

Jan saglyga şypalaryń deńzine 

Des-deň eken,

                 Diýaryň saglyk ýoly.

Terlik berip, göwunleri ýaş eden.

Arzuw berip aşyklary ýaşadan,

Asly gyzy Keremine duş eden,

Dessan eken,

             Diýaryň saglyk ýoly.

Yşyklary gözün gypýar her ýanda,

Bagtyýar il toý toýlaýar degräňde.

Türkmen — galkym,

                        mähelleli derýaňda-

Joşgun eken,

               Diýaryň saglyk ýoly.

Talyp gözel kakyp ýürek taryna,

Näz eýleýir ýigitleriň zoruna,

Aşyklaryń suraý kamat ýaryna,

Sebäp eken,

                Diýaryň saglyk ýoly.

Ýaşlyk barýar-

            asman ýolun seýl eden,

Şatlyk barýar-

              göwün guşun saýradan

Ýürekleri  ýagşylyga ýar eden,

Owaz eken,

                 Diýaryň saglyk ýoly.

Yşkyn söýläp, şahyr Mollanepesiň.

Bagta beslär goja daglaň depesin,

Pyragynyň şygry deýin  nepesiň,

Durlar eken,

                 Diýaryň saglyk ýoly.

Tebigatym!

             Bu ynsana yşgyňmy?!

Keýikleriň göz owasy uçgunly.

Watanymyň  ýüreginde göçgünli,

Mukam eken,

                  Diýaryň  saglyk ýoly.

Tugun götär ser saglygyň şanyna

Akyp barýar paýhas bolup ańyńa.

Ak säherde şypa berip janyňa

Melhem eken,

                Diýaryň saglyk ýoly.

Ahti-peýman –

             Aşyklaryň baryna,

Alaw berer  ýyldyrymyň naryna,

Ak daňlarda ak ýollaryń nuruna,

Ýalkym eken,

                   Diýaryň saglyk ýoly.

Owazy bu Dünýä sesin goşanlaň,

Howasy bu köwseri süýt agşamlaň.                

Beýik Türkmen binasyny haşamlan

Joşgun  eken,

                 Diýaryň  saglyk ýoly.

Erteki deý gözel, türkmen dünýäsi,

Argynlygy ýuwar tämiz howasy,

Galkynyşlar eýýamynyň binýady-

Ylham eken,

                Diýaryň saglyk ýoly.

Görüň, munda mähribanlyk parzy bar,

Özgeren ýurt jemaly bar,

                                    terzi bar.

Prezidentiń baş kesbini arzylan,

Lukman eken,

                   Diýaryň saglyk ýoly

Galkynyş

Erkana Watanym-

                    Arzuwly serim!                           

Gözýetmeze çenli giňedi gerim-

Alym syr agtarýar,

Zamana-gurýar,

Janypkeş galňadýar göwnüniň zerin.

Durmuş galkýar-

Gözelleşýär ýaşaýyş,

Täze güne ybadat bar,

                               Ynam bar.

Gözle-döret,

            Işle-göreş

                          Bagt üçin

Bina galdyr-

Watan saňa howandar.

 Azatdyr,

        erkindir Watan şemaly-

Gül-gunçasyn açýar elwan bossanyň.

Dowamat görünýär,

                        ösüş ýolunda,

Garaşsyz, Bitarap Türkmenistanyň.

Keramatly topragymda guruldy,

Adalat binasy Garaşsyzlygyň.

Elýetmezdir,

            Egilmezdir tugumyz

Şuglasy astynda garaşsyz Günüň.

Watanda kuwat bar,

                 Gurbat bar halkda

Gaýrata rähnet bar ekinzarlykda.

Bakyň!

Bagt barmy mundan zyýada,

Başga eşret barmy, 

Bakyň barlykda.

Erkiň bar eliňde,

Goruň bar aňda-

Döredip gurmagyň aýny wagty bi.

Garaşsyz dünýäniň  ruhuna siňip

Jenneti gurup ýör Oguz agtygy.

                  ***

Zamanaň sesine keýpi çaglanyp-

Owadan Gün dogdy gyzyl çog bolup,

Gelipdir Watana arkadag bolup-

Garaşsyzlyk –

               Bagtymyzyň gözbaşy.

Zehiniň çabgasy- gökden saçylan,

Ylhamyň nagmasy kalpda açylan,

Täze galkynyşly zaman eçilen

Garaşsyzlyk –

               Bagtymyzyň gözbaşy.

Dag-düzi gülleden ýazdyr, aslynda,

Ykballar göterlen –

                    Arşyň üstünde,

Ýüz müň owaz, belent saz bar isminde-

Garaşsyzlyk –

               Bagtymyzyň gözbaşy.

Sen berkarar,

              sen abadan,

                               sen erkin,

Gijä şugla, gündize nur gül görküň,     

Gelsin,

            gudrat gorjek Watana gelsin-

Garaşsyzlyk –

         Bagtymyzyň gözbaşy

Ýürt Täze Güni bilen parlaýar,

Bitaraplyk durmuş ýolun zerleýär,

Ýüreklerde mukam bolup ornaýan,

Garaşsyzlyk –

               Bagtymyzyň gözbaşy.

Eýýam sarpalaýar  beýik Adamy,

Ýüpek şemalydyr söýget, ýardamy, 

Maksatly ýollaryň aýgyt ädimi-

Garaşsyzlyk –

               Bagtymyzyň gözbaşy.

Sährasy güle baý-

                   Göwni gül kibi,

Ile döwran döndi parlak Gün kibi,

Ömre serpaý eden ýazyň görküni,

Garaşsyzlyk –

               Bagtymyzyň gözbaşy. 

                    ***

Erkinlik-

         Bu sözde  many bar,

                                   Güýç bar

Bu süýji sözdedir ömrüň  tagamy.

Bu söz hakykatyň,

Hem ygtykatyň                

Hümmetin ölçeýän mizan agramy.

Bu söz azatlygyň,

Hem abatlygyň,

Köňlüňe ýardamy-

                        Asuda demi. 

Ýaşaýşy nuruňa gark edip geldiň,                            

Tuguňy asmana görk edip geldiň

Erkinlik çyragy-

                 Garaşsyzlygym-

Ýoluňy bu ile örk edip geldiň.

Azatlyk mukamy-

Garaşsyzlygym,

Gadamyň ýüregiň bagt nagmasy-

Sen gapydan girdiň-

                            Tutumyň bilen,               

Şatlykly,

            şowhunly  akymyň bilen-

Göwne dolan  owaz dünýä sygmady.                      

Çünki, sen ebedi Erkiň şuglasy.                  

                                    ***          

Garaşsyzlyk –

             Watanyň ykbalyny,

Bagtyýar eýledi, abadan ýolda.

Garaşsyzlyk –

            milletiň ak ýoluny,

Döwrana dolady, abadan ýolda.

Berkarar ýollarda ganat ýaýylýar,

Göwünler sogaply-

                           Alkyş bar dilde.

Parahat, abat ýurt jennet saýylýar,

Yklyma ýaň saldyk, abadan ýolda.

Garaşsyzlyk—

                 Adalatyň ganaty-

Ykbalda pena bar,

                gurbat bar ilde.

Jebisligiň   nury eziz Watany

Gün kibi beýgeltdi, abadan ýolda.

Aýlawda töreler –

                    ýüwrük at çapýar-

Bedew ganatlanýar,

                       bagtyýar ilde                  

Ýyllar şana dolup serpaýyn ýapýar

Baky bagta ýetdik, abadan ýolda.

Garaşsyzlyk-

                  Ruhubelentlik ýazy-

Nirä baksaň, yşk bar,

                      arzuw-wysalda.

Erkinlik çyragy-

                    mertligiň tugy                   

Durkuňda dikeldi, abadan ýolda.

Garaşsyzlyk-

            Ajap döwran getirdi-

Ynam kok ýaýradýar maksatly ýolda.

Pyragy arzuwlan berkarar ýurdy

Täç edip göterdik, abadan ýolda.

Asuda asmanym-

                        türkmeniň ruhy-

Galkynşa buýsanç bar,

                             ygtyýar elde.

Bagt bolup geldi döwranlar  şasy-

Altyn Zaman gurduk, abadan ýolda. 

                   ***

Göreşdik,

          Il-halkyň bähbidin arap,

Bagt üçin göreşdik-

Garaşsyz bolduk.

Akyldan çuň,

Mertebelerden belent

Ālemli dünýäni gurup, beýgeldik.

Arzyly maksada ýetdik,

                                baýnadyk,

Bu ýollar Şan bile Tug berdi ele.

Dunýäni adyllyk  ýerden goterýär,

Yşk joşdy-

          Söýgüdir medetkär, ile.

Her bir bina-

             Nesil üçin gurulýar-

Gudrata öwrüldi ynamy halkyň..

Garaşsyz döwletde abraý bile

Galkynmak rowaçdyr,

                     Ganatlan, galkyn..

Diňe,

     diňe azat guşlar galkynyp,

Mukam içre uçuş edýär alysa.

Diňe,

       Dine Beýik işde ýalkanýan,

Mert gadamlar gop berýär il-ulusa.

                          ***

Çyksaň- seýilbaglar,

                         Jennete kybap-

Dünýäde erteki jana gelipdir.

Baksaň,  gözüň doýmaz,

                           Şahy-melekleň

Azat göwnün,

Hak ynsana beripdir!

Durmuş öňe barýar,

                       Ýyldyrym deýin-

Göçgünli döwrany gerşine alyp.

Bu iller bagt saýýar erkin şemaly,

Basgançak, 

           basgançak mertebä galyp.

Mukam calýar-

                Gara daglaň degresin,

Toýa besläp,

Ýagty günler heň çalýar.

Aýdym bilen waspy ýetýän Watanym,

Aýdym bolup,

           ýedi yklyma ýaň salýar.

Parlap  geldi  ýigrim birinji asyr,

Türkmen galkdy,

                 Parlak tugun göterip.

Garaşsyzlyk Beýik Halka bagt berdi,

Ganat berdi,

Maksadyna ýetirip.

Magtymguly        

Wagtyň serhetini parran böwüsip,

Bize gelip ýetýär  aňyň ýylysy.

Türkmeniň kalbyny eýelän gudrat,

Desterhany bilen Magtymgulysy.

Pähim çuňlugyňda kalplar haýrana.

Üç asyra golaý paýhasa baş sen.

Näçe ýaşasaň-da,

                         tereň lybasda,

Daýym anbar saçyp, magnyda ýaş sen.

Adamzat kalbyny haýrana goýup,

Deňelen dünýäňden juda beýiksiň.

Geçmişe-geljege nazaryň ýetip

Başyňa welilik täjin geýipsiň,

Beýik Magtymguly-

                             parasat şasy

„Adyň seniň doldy külli älemge”.

Dünýäniň halklary bir supra üýşüp,

Syrly pelsepäňde kereme duşup,

Paýhasyň daşynda aýlanýar sap-sap,

Pendiňe suwsap.

Sünt-Hasar dagynda ýanar ot bolup,

Arşyň kemerine ýeten ýerleriň.

Söze güýç beripsiň,nakyla çenli,

Ylla gunt düşen deý, dür setirleriň.

Paýhasyna sygan çar küňçli dünýä

Geljegi geçmişden syzan welisiň.

Dana,

          jahankeşde,

                             filosof,

                                          alym                           

Sen paýhas ýolusyň türkmen ilimiň.

Beýik Magtymguly-

                        paýhasyň ogly

„Sözüň ýerde galman diýdigiň geldi”-

Mähir paýlap ýürekleriň baryna,

Arkadag jan berdi ylham taryna,

Berkarar döwletli iliň beýgeldi.

Çoh garaşan ajap eýýamyň geldi,

Beýik parasadyň parlak ýyldyzy,

Owazyň sygardan gursaklar ejiz.

Gözýetmez,

               sözýetmez aňyň çäginde,

Agramyň ölçäre gural ýok heniz.

Türkmen ählin jebislige çagyryp,

Asyrlar aýlandy paýhasyň bilen.

Jemşidiň jamyna taý bolan dana

Türkmen dünýä çykdy öz ýoly bilen

Arkadagy-

              Gahryman ogly bilen

Toýuň gutlap iller gelýär mekana,

Nazar kyl,

              bagtyýar Türkmenistana.

Adyň agzalanda söz tamamlanýar,

Diýmek, paýhas siňen aýdyma gezek,

berilýär,

             onsoňam agras dymylýar,

Birsalym ýer dyrmap, oýlanma gerek.

Asal sözden münber ýasap beýgelen

Jan-jigeri il derdine eýlenen,

Magtymguly-

                türkmeniň beýik ogly

Dabaraň şowhuny daglardan aşdy

Ýürekler birleşdi,

                           köňül birleşdi

Adyl Arkadagyň dür paýhasynda

Dünýä bu gün seni täzeden açdy.

Nesil daragtyndan dowama gelýär

Arkadagyň Magtymgula sarpasy.

Hany-manyn dür söze bagş edendir

Bu illeriň kowmy-

                         ýedi arkasy

Paýhasyň deý,

                çuň görünýär asmany-

Gül-gülüstan bagtyýarlyk bossany.

Ömürboýy jebisligi arzuwlap,

Bitewi döwletiň tugun islediň.

„Häkim bolup,

                  halkyn Gün kibi çoýup,

Röwşen pentleriňe serini goýup,

Berkarar döwleti jar eden Lider

Bagtyýarlyk ýolun döreden Lider

Derhal berjaý kyldy köňül islegiň.

Agzybirlik köňül tugy türkmeniň

Başda täji watanparaz mertleriň

Pasyrdap dur bagtyýarlyk baýdagy

                  Dünýä çykdy,

                                   ýollar çekdi  geljege

 Beýik döwrüň almaz kibi paýhasy.

Dünýe dursa baky durjak şygyrlar

Jemagaty birleşmäge çagyrýar.

Dana Magtymguly ynsan ähliniň

Köňli röwşen tapýar,

                           saňa sygynýar,

Pelsepe çuňlugyň ylham dergähi

Öwütleriň adalatyň mizany.

Paýhasyň deňeldi zere, göwhere,

Her sözüň,

             türkmeniň köňül nagşydyr.

Hak nazary düşen ussat-ulugsyň

Sen asman paýhasly Magtymgulysyň.

Soragly dünýäniň aýanyn gören,

Parasat mülkünde tagtyň oglusyň.

Beýikler deňelýär öz paýhasyna,

Arşy-kürsi söýlän Magtymgulysyň.

Nesil minnetdar!

Biz zehin eýesi,

Bilime muşdak,

Ylym dünýäsiniň  gapysyn açdyk.

Prezidentim!

Çagyrşyňa seslenip,

Gül açan möwsümi Garaşsyzlygyň,

Bilimiň  aý-aýdyň  ýoluna düşdük.

Alym bolup ýetişmeklik serdedir.

Ynanjymyz Il ogluna-Merdedir!

Howandarym-

Nesilleriň arkasy!

             Güýç-kuwwat biz galkyndyran iliňden.

„Jeýhun bilen Bahry Hazar arasy”

Gülzar boldy aň-paýhasyň silinden.

Ýaşaýyşa tizlik beren Arkadag

Alkyş Size nesilleriň dilinden.

Sargytlaryň,

                   öwütleriň,

                               pentleriň,

Halkymyzyň ýüreginde ýer edýär,

Bilim öýün  gurup berdiň nesliňe.

Ylym öýün gurmak ýoldur jennete.

Baky tagzym!

Paýhasyňa, aklyňa!

Baky tagzym!

Asylzada aslyňa,

Bilim-bagt,

Ylym-ganat ýaýylan,

Bilim,

       döwri halas edýär galypdan.

Garaşsyzlyk şuglasynyň astynda,

Ynamyndan dana Prezidentimiň,

Ylham alyp öňe barýan talyp men.

Döwre many,

                  durmuşa akym berdiň,

Ömre galkym,

              Ykbala ýalkym berdiň.

Çeşme deý şaglaýan şalyk paýhasy,

Ýaşaýyşyň depesinden inderdiň.

Çynlakaý bat-

                    ynam berdiň gursaga,

Öçmejek ot-

              ylham berdiň gursaga.

Prezidentim!

Tükenmez gor,

Solmaz gül,

Uçgun,

         alaw,

               göçgün berdiň gursaga!

Bu täsin dünýäniň pynhan syrlaryn,

Gözlegde agtaryp, öwrenip, bilip,

Ýadamazak,

                   ýaltanmazak,

                                       irmezek              

Göreldeli ýoluňyzda goýalyp,

Şaglawuk deý gaýalardan inip men,

Otly, uçar, gämi, aragatnaşyk…

Müşgil tilsimleriň känin bilip men,

Watan ykbalyna buýsanýan, galkýan

Hünärine ökde, ezber  talyp men.

Ele kitap,

                Diliere dür berdiiz,

Aýny wagty ganat-u per berdiňiz.

Ýekän-ýekän açyp dünýä ýollaryn,

Prezidentim!

Baş egýäris kesbiňe!

Göz gezdirip erkin Watan keşbine,

Kitapdan başlanýan bagt berdiň bize,

Minnetdar nesiller baş egýär Size!

Prezidentim!

Guran ýoluň mähirden

Söwer iliň ýüregine barýandyr,

Parasadyň didesinde ýanşyňa,

Giň jahanyň çar künjegi haýrandyr.

Nesilleriň altyn halka daşyňa,

Döwlet gonsun merhemetli başyňa.

Şöhratlan,

           eý, Beýik Galkynyş ýoly!

Garaşyzlyk binasynyň daýanjy.

Baky şöhrat bolsun,

Size Il ogly!

Biz– kuwwatly ýurduň gelejek-genji,

Siz–talyp ýaşlaryň arkadaýanjy!

Mertebäňiz beýgelsin çürbaşlara,

Nusgalyk Siz,

                  biz bagtyýar ýaşlara.

Siz bolup, bu ili ýalkan Bilimdir!                            

Ganatly nesiller Siziň bilendir!

„Bilgir nesil ili dünýä çykarýar,

Ýaş nesil bilimden taplansyn!”-diýýän.

Döwleti Garaşsyz,

Ýurdy Bitarap.

Howandarym!

Aň-bilimiň hossary!

Bizdedir iň kämil engamy dünýäň.

Iň täze Gün dogdy älemi çoglap,

Şol Güneşiň şuglasyndan ganyp men,

Iň täze tehnika,

                         iň täze aňa,

Başarjaň erk edip bilýän talyp men.

Möwsümi bi,

              sagdyn ruhy doklugyň.

Şahyryň şygry deý owadan günler,

Prezidentim!

                Yhlasyňdan joş alyp,

Ylhamdan tutaşýar al-elwan güller,

Nesillere ynam berdiň,

                                     erk berdiň.

Açyşa ymtylýar nowça göwünler.

Bize bagly,

             döwri öňe äkitmek

Aň-bilim tuguny göterip golda,

Öz eliň, öz ýakaň,

                           açyş et,

                                     döret,        

Beýnide şygyrdy,

                     Kalpda yş bolsa.

Bu gün täze basgançaga galyp men,

Suraýy keşbine buýsanyp ýurduň,

Gursagy hyjuwdan doly talyp men.

Şöhratlan,

              Gün kibi Beýik zamana!                               

Şöhrat bolsun,

                  bagta ýol görkezýäne!

Şudur, aň serpaýy,

                         ömrüňe many!

Garaşsyzlyk atly beýik gudratyň,

Galkynyş getiren  ýüpek şemaly,

Bu gün güle durdy bilim sährasy,

Ylym ekip, 

                 jöwher hasyl göterip,

Barha rowaçlanýar Watan şöhraty.

Sowatly köp,

Emma seýrekdir zehin!

Zehin çöp däl,

                  gara ýerden gögermez.

Çyn zehini ýel götermez,

Sil almaz.

Çyn zehini asman her sere bermez.

Zehini goldamak merdiň pişesi!

Ugrukdyryp bagta sary ýollary,

Siz bolduňyz,

Ýagtylygyň didesi!

Talaňa durmaýan  düýpsiz hazyna:

Baýlykdan baý dünýä,

                       gowzamaz gora,

Eýe edip,

              maýyl etdiňiz bizi,    

Garaşsyzlyk atly kämil esere,

Ylham serpaýy bar,

                      Mähir bar  ýene

Şamyrag deý, ýagty paýlaýan sere

Bedew ganatynda,

              Juwan ýaşynda

Galkynyp-galkynyp şu güne ýeten

Pyragynyň puhy siňen ülkede,

Ylym-bilim-

               rowaçlygyň çapary.              

Prezidentim!

              Paýhas sary  çekilen,

Röwşen ýoluňyzda bagtyň açary.   

Siziň bilen buýsançlydyr başlarmyz,

Galkynyşdan ganatlanan ýaşlar biz!

          Ýar soragynda

On ýedi ýaş,

              Söýgi dürtüp böwrüme,

Günüme goýmady, “taýyń tap» diýip.

Ýola düşdüm, komnatdaşym Nazaryń,

Täp-täzeje, amanat köwşün geýip.                     

Konserwatoriýań gapysy ine,

Gyzlaryń birinde eglendi nazar.

Driźýor jadyly taýajygynda

Gaty gitseń, aýlap başyńdan salar.

Dutar, gyjak, wokal, fortepiano,

El-he-pus-a, aman-aman, eý aman,

Sazanda, aýdymçyń höregi nota,

Men bolsa aç öljek muńa çydaman.

Ýelk ýasadym, yzymy ýel çalmanka,

Lukmançylyk uniweriñ ýanyna.

Ak halatly talyp gyzyń nazary,

Gyzyl ińńe bolup çümdi janyma.

Bir elde ska:lpel, birinde gaýçy,  

Görenimden huşum uçdy başymdan.

Iki kilometr aýlanyp geçdim,

Şo günden soń Meduniweriń daşyndan.

Birden gözüm düşdi, baýryń üstünde,

Dünýäń keşbin çekýän suratçy gyza.

Ýanynda jorasy, ýasan küýzesin,

Görene göz edýär dolduryp näze.

Biri surat çekýär, başyn galdyrman,

Biri sungat edýär toýundan, gumdan.

Gyzlary terk edip dolandym yza,

Mańa bir ýar gerek, söýgüsi çyndan.

Alnymda göründi ýene bir gapy,

Birgörsem, hars urýar  gyzlar ylgaşyp.

Daşyndan göreńde howuńy basýar,

Ynha, dur, «Sport syýahatçylyk».

Karate, dzýu-do, basketbol, futbol,

Gyz-a däl, eglenseń berýär küştüńi.

Ýagyrnysy ýere degmez pälwany,

Göremde ysytma tutdy, gyş güni.

Ýar soraglap, tala dańyp umydym,

Munda-da eglenmän,  düşdüm ak ýola.

Harby lybas geýen dogumly gözel,

Galanja umydym çykardy nola.

Egninde çin, özi harby serkerde,

Berlen buýruk bilen, köçesi- küýi.

Beýle boljak bolsa, bagyşlań, dostlar,

Men nädip saklaýyn bezelgi öýi.

Ýola düşdüm,

Ýa, medet ber uniwersitet,

Mańa bir ýar gerek, gözleri nurly.

Fizik, matematik, şahyr, zurnalist…

Ýigitleri barýar gapdaly ýarly.

Öz-ä çogup çykýar, gyzlar gülüşip,

Geljekki mugallym, geljekki alym.

Bu gyzlar  hem-ä geń,  şeýlebir kejir,

Söýdürene eziz, beýlek-ä–zalym.

Unwerstetde duşman ýürek taýyma,

Eńdim ykdysadýet dolandyryşa.

Bärde barter bilen dolanýar duýgy,

Kredite zat ýok,-

Haryt däl söýgi.

Iki taraplaýyn ylalaşyga,

Şertnama bil baglap garaşdym, ýöne,

Gyz tarapy duşuşmaga gelmese,

Bu ýerde, söýginiń gürrüńi näme.

Seýdi, Energetikany daş görüp,

Oba hojalyga ýöneldim, indi.

Bir ýanda traktor, bir ýanda maldar,

Drenaźçy hem dokmaçy göründi.

Gyzlar sygyr sagýar çyzgap goluny,

Ýumurtga çöpleýär ýene-de biri.

Bu ýerde tilsimat saýlaýar dynman,

Haýsy biri ownuk, haýsysy iri.

Her kim başyna gaý, hars urýar dynman,

Meń bilen işi ýok hiç bir gözeliń.

Bulardanam zat ýok, geliń dostlarym,

Polide aýlanyp, synlap göreliń.

Taslama, gurluşyk, arhitektura,

Nebit, gaz ýañlanýar buraw sazynda.

Bularam biz ýaly gyzlara garyp,

On ýigit bar, bir gözeliń yzynda.

Dünýä dillerinde saýraşyp duran,

Aýak çekdim, gözelleriń deńinde.

Biri “Mersi”diýýär, biri “gutantak”

Biri diýýär: «hany, dursana tentek».

Aý, garaz bular-a günüme goýman,

Üstümden güldürdi hersi bir dili.

Halkara gatnaşyk goşulyp ara,

“Nasilsiniz” diýdi, “Evlimi, iýi”.

Aýlanyp-aýlanyp, kän gözel gördüm,

Düşünşip bilmedim hiçisi bilen.

Ýar soraglap meniń düşen günümi,

Dińe, meń günüme sataşan biler.                                  

Bolmady,

 jübimden telefon alyp,

Ulag aragatnaşyga jań etdim sańa.

Eý, sen ykbalymyń ýeke-täk güli,

Mylaýym ses bilen dillenen sona,

Sen ekeniń bu kalbymyń küýsegi,

Sen ekeniń, bu ýüregiń ýetmezi.

Özüń gelip, bu dertlerden halas et,

Bu ýollarda, gel, bagtyýar et meni!

                   ***

Ýere sygman, uçdum howada, suwda,

Gül görküńden, bada elendi kalbym.

Talyp dostlar, yşky bilmeýän bolsa,

Bu kyssadan ýagşyja sapak alsyn!

Aragatnaşykçy gözel gowşurdy,

Ýagty arzuwyma,

Parlak bagtyma.

Asyl, golaýymda ýylgyran gunça-

Soltan bolup çykdy köńül tagtyma.

Wagt bilen ikiçäk

Wagtam howa ýaly üýtgäp duran zat–

Suwa daş düşen deý duruberenok.

Baryndan beteri, gañryp alany–

Gòrküñi, erkiñi–

Seni sen edýän,

Mermer deý durkuñy gaýdyp berenok.

Piñine däl,

Seniñ bilen işi ýok,

Käte däli sil deý süpürip barýar.

Ädimine aýak goşsañ halanok,

Ýa «çaman sen» diýip, süýrençek bolsañ,

Eger-eger, gidiberer, nalanok,

Tüweleý deminde uçuryp barýar.

Köküñ-söküñ bilen bile göterip,

Başga bir  sahypa göçürip barýar.

***

Ýylyñ ýyldan,

          wagtyñ wagtdan parhy bar,

Kä, bir sagat ýyla dönýär asylyp–

Wagtyñ meñzeş pursady ýok,

                                             bilseñiz

Käsi–uçsa, käsi ýyla barabar

Serediñ–ä bolup ýören zatlara

Howluksa-da, ýatyr ana kürk towuk

Pylança gün ýumurtgasyn basyryp.

Paýhasdan ýokarda,

                                añdan yrakda

Mawy giñişligi göterýän çäkde

Yzly-yza dönýär gündiz-gijeler,

Tükeniksiz,

            ümmülmez bu barlykda,

Üýtgemegiñ syry,

                       dünýäñ mataly,

Tesellisi lukman,

puşmandyr dady–

Ol garranok,

Ýok oñ ýitirýän zady

Wagt ölçegi sagat,

                 aý, gün, müçeler.

***

Üç nämälim ümezläp dur Wagt bolup:

Geçmiş,

       şu gün ýene ýalañaç erte

Berilmändir yza çekmek geçmişi,

Bir duran ýerine örklenmez pursat–

Ömrümiz sygdyrmaz bir ýerde dursak.

Wagt bakylygyñ gerşine çykyp,

Şu günüñi düýne,

                     düýni geçmişe,

Geljegi şu güne öwrüp barýar.

Hereket ýok,

                                                ösüş,

                                                         üýtgemeklik ýok,

Mawy giñişligiñ çäginden daşda.

Bir egri sorag bar,

Sowal ýok başga,

Wagt hemme zady sowuryp barýar…

Eý, nämälim gudrat!

Baky keramat!

Wagt!

Saña ýüzlenýän!

Gòrkez ýüzüñi!

Sypyr gatlak-gatlak  asyrlar örten–

Aç ahyr birme-bir nikaplaryñy–

Okat maña!

Hökmürowan tagtyñda

Gaýypdan getiren kitaplaryñy.

Durkuñy duýaýyn,

Görkez özüñi.

Ýa-da sen…

…Şol ýokardakyñ özümi?!

***

Ynsa– jynsa…

Bu ümmülmez barlyga

Her bakyşyñ täze lybas geýdirse,

Emriñe boýundyr külli adamzat–

Peşgeş berlen ömri sogaba besläp,

Ýagşylyga seçse altyn nepesin,

Toýdur şo!

Bir bakyşyñ Enäñ süýtli goýnunda,

Günün sanap ösýän bigam çagalyk,

Ýaş-juwanlyk–

                 göz güldürip bakyşyñ.

Ýa-da kämillikmi goly kitaply?!

Çäk-çaksyz ummanmy

                        …kiçijik ýapmy?!

Dynman akyp,

Ykrar eden durmuşy,

Geçen günler nirä barýar alakjap?

Nirde meniñ çagalygym, ýaşlygym,

Şu günümi saklamaga alaç tap!

–Ýok, bolanok,

Çökder munyñ gadyrdan,

Men–syr!

Meni paş eýlemek–

Gadagan!

Paýhas-pikir dünýäsine goş urup–

Kitapdan başlanýan ýola goşulyp,

Boýun egseñ derrew gowşadar taryn,

Bihuda sowurlan Wagt ejizlär.

Bir hakykat–

Adam añyna tabyn,

Mert kişiler her pursady ezizlär.